საქართველოს ამომგდები „გმირები“

საქართველოს ამომგდები უცხოურ „ორდენოსანი“ გმირები

27 დეკემბერი 1991 წელი გოგა ხაინდრავა ზეიმობს ზ. გამსახურდიას დამხობას გადამწვარი მთავრობის სახლის წინ

გაურკვეველი წარმომავლობისა და დანიშნულების, ოპოზიციურ ტელეარხად წოდებულ „კავკასიის“  მეპატრონე აქუბარდიასთან ერთად, ერთ ბედნიერ დღეს, მისთვის უჩვეულო პოზასა და ჩაცმულობაში მოგვევლინა ქართული პოლიტიკის „ვარსკვლავი“, ფრანგული ორდენის – „რაინდული ღირსების ორდენი“-ს კავალერი გოგა ხაინდრავა.
პიჯაკზე ორდენ მიმაგრებულ ხაინდრავას სიფათიც მორგებული და მიმაგრებული ჰქონდა. კმაყოფილი და ბედნიერია ხაინდრავა, რამეთუ მისი შრომა და ამაგი საერთაშორისო სარბიელზე დაფასდა! აქუბარდიასთან მასლაათი ერთ საათზედ მეტი გაგრძელდა. საგაზეთო პუბლიკაციაში შეუძლებელია მთელი რეპორტაჟის გადმოტანა.

გადაცემიდან შევიტყვეთ, რომ ეს ორდენი საფრანგეთის პრეზიდენტ შარლ დე გოლს დაუარსებია და საფრანგეთის პრეზიდენტი გადასცემს ამ ჯილდოზედ წარდგენილ ნომინანტებს მას  ამა თუ იმ სფეროში გაწეული ღვაწლის შესახებო.
წამყვანი და მოპასუხე გაუთავებლად საუბრობდა კეთილშობილურ თვისებებზე, რაინდობაზე, ღირსებაზე, სიმართლისთვის და სამრთლიანობისთვის ბრძოლაზე და ასე შემდეგ.

ჩვენი წერილის მიზანია,  გავარკვიოთ, თუ რა „ღვაწლი და ამაგი მიუძღვის“ ამ „პოლიტიკოსს“ ჩვენი გავერანებული სამშობლოს წინაშე.


სიტყვაკაზმულად საუბრობდა გადაცემის სტუმარი, სიტყვაკაზმულად გვაყრიდა თვალში ნაცარს, თავს სიმართლისათვის, თავისუფლებისათვის მუხლჩაუხრელ მებრძოლად გვისაღებდა. გადაცემის მსვლელობისას შიგა და შიგ მაყურებლის ზარები გაისმოდა, რომლებიც ხოტბა- დიდებას ასხამდნენ და სიყვარულს ეფიცებოდნენ ორდენოსან რაინდს და ისიც „სტოიკურად“ იღებდა მილოცვებს, ჩვენ, რა თქმა უნდა შორსა ვართ იმ აზრისაგან, ვინმეს სხვისი სიყვარული და პატივისცემა დავუშალოთ. არა, ყველა მატარებელს თავისი მგზავრი ჰყავს დანიშნულების ადგილამდის მისაყვანი…

გ. ხაინდრავას „საქმენი საგმირონი“

საბედნიეროდ, საქართველოში ჯერ კიდევ ცოცხალია ხალხი, ვისაც ახსოვს გ. ხაინდრავას „საქმენი საგმირონი“.

მოვიყვანთ იმ „მარგალიტებს“, რომლითაც საფრანგეთის ორდენის კავალერს ამკობდნენ ყოფილი თუ ახლანდელი თანამებრძოლები. „მარგალიტები“ შეუკრიბავს გაზეთ „დრონ“ –ს, რისთვისაც დიდ მადლობას მოვახსენებთ.

მაშ ასე, ხაინდრავას ამ ორდენის მინიჭებით თავი მართლაც რაინდად წარმოუდგენია და კუდი ყავარზე გააქვს. ვნახოთ რას წერენ ხაინდარავას შესახებ მისი ყოფილი და ახლანდელი თანამებრძოლები, თუ მოწინაააღმდეგეები.

ერთ-ერთი უმთავრესი მიზეზი და საბაბი კონფლიქტების დარეგულირება და მათი მშვიდობიანი გადაჭრა ყოფილა.

პაატა ზაქარეიშვილი: თუ გ. ხაინდრავა თავისი დაჯგუფებით აფხაზეთში იბრძოდა, აფხაზების წინააღმდეგ, ვერ გავიგე, ამ კაცს რა უნდა კონფლიქტების მინისტრად, რა კონფლიქტი უნდა მოაგვაროს, როცა აფხაზები ცალსახად აფიქსირებენ, „ვინც იარაღით გვებრძოდა, იმ ხალხს სახალხო დიპლომატიის დონეზეც კი არ დაველაპარაკებით, არა თუ სახელმწიფო დონეზეო“.

იხ. ეს კადრი ვიდეოდან: http://bpg.sytes.net/simartle/default.asp?bpgpid=180&pg=1

ზვიად ძიძიგური: „არ მომწონს გ. ხაინდრავას დანიშვნა კონფლიქტების მინისტრად, როცა ეგ აფხაზეთში იყო სახელმწიფო მინისტრი, მის სახელს უკავშირდება ბევრი სიბინძურე, მათ შორის აფხაზებთან და რუსებთან ერთად კონტრაბანდული ბიზნესი, და რა დაუშლის იგივე აკეთოს ოსებთან და კოკოითთან ერთად?“

მიხეილ ქარელი: „გოგა ხაინდრავა ოსურ ლუდსა და ხაბიზგინებზე ქეიფობს ცხინვალში, საეჭვო ხალხთან. ის ნამდვილად ვიცი,  ამ ხალხს საქართველოს სიკეთე ნამდვილად არ უნდა და ბევრი მათგანი 90-იან წლებში იარაღით იბრძოდა ჩვენს წინააღმდეგ“.

ხაინდრავასთვისაც ხომ ის ხალხია მისაღები და სამეგობრო, ვინც 90 –იან წლებში ლახვარი ჩასცა საქართველოს!

გუბაზ სანიკიძე: „გოგა ხაინდრავამ, ჯერ იმ დიდ კითხვის ნიშნებს გასცეს პასუხი, როცა აფხაზეთში სახელმწიფო მინისტრად მუშაობდა. დღეს ყველა ამბობს, რომ გაგრა გაიყიდა, გაგრა ჩაბარდაო. თუ თანამონაწილე არ არის ხაინდრავა ამ ისტორიული ღალატისა, გამოვიდეს და თქვას, ვინ ჩააბარა გაგრა. ის ცალკე იყოს, როცა იარაღით ხელში დარბოდა ზვიად გამსახურდიას დასამხობად, ამაზე ისტორია გასცემს პასუხს და აქ თუ არა, იქ, ღვთიურ სამსჯავროზე მოეკითხება“.

მიხეილ ქარელი: „გოგა ხაინდრავამ, ბორის ჩოჩიევის გარემოცვასთან ერთად, ააორთქლა ეუთოს საკმაოდ სოლიდური გრანტი, რომელიც ქართული და ოსური სოფლების ინფრასტრუქტურას უნდა მოხმარებოდა.  ფული შეჭმულია, თითი არავის დაუკარებია, სამუშაოები არავის შეუსრულებია და ქაღალდზე თანხა ათვისებულია. იმ სოფლებში მგონი, არც შესულან საერთოდ. კარგი იქნება, თუ ეუთო და ქართველი სამართალდამცველები ერთად დაიწყებენ ამ თანხის ასავალ-დასავალის მოკვლევას“.

ამ ვაჟბატონს კი ერთი სურვილი ამოძრავებს, გამოიკვლიოს დღეს მის გარეშე გაიმასქნებული კოლოსალური თანხები, აბა, გაბედეთ და რომელიმემ მოკითხეთ მას ეუთოს გრანტი, მტრისას, ისეთი დღე დაგადგებათ!…

ახლა სხვა მხარესაც მოვუსმინოთ:

მამუკა კაციტაძე: „მე მაქვს ძალიან დიდი და საფუძვლიანი ეჭვი, რომ ცხინვალის რეგიონში ოქრუაშვილი და ხაინდრავა ვერ იყოფენ კონტრაბანდისტულ ტვირთს და ამის გამო ერთმანეთს ებრძვიან“.

ჩვენ არ ვიცით, ზუსტად როდის გამოთქვეს ზემოხსენებული მოსაზრებები ქართველმა პოლიტიკის ვარსკვლავებმა (გაზეთ ”დრონში“ მითითებული არ არის), დღეს კი ისინი ერთიან ოპოზიციურ არმადას წარმოადგენენ.

ჩვენ ყველას ისიც კარგად გვახსოვს, როდესაც გოგა ხაინდრავამ და მისმა კომპანიამ საქართველოს სახელმწიფოს და ქართველი ხალხის დაუძინებელი მტერი ტორეზ კულუმბეგოვი პოლიტპატიმრად გააასაღა და დედამიწა შეაზანზარა – არიქა, გამსახურდია ოს ხალხს სდევნისო. მაინც რა რიგად შესტკივა გული ამ ჩვენს საფრანგეთის „ღირსეულ“ რაინდს „დევნილ და ტანჯულ“ ოსებზე, დღესაც ცხარე ცრემლებს აღვარღვარებს: ამ ხალხს დიდი ღვაწლი მიუძღვის ქართული სახელმწიფოს წინაშეო. უწიგნურსა და უვიცს დღევანდელ კასტას უწოდებს და თვითონ თუ წაუკითხავს საქართველოს ისტორია, თუ წაუკითხავს ფარნავაზიდან მოყოლებული რა ხეირს აყრიდნენ საქართველოს მისი ქებული ძმები, ხაინდრავა, ვახტანგ გორგასალსაც ჯვარს აცვამდა, უთუოდ, ოსი ხალხის უფლებების შელახვის გამო.

თავი გავანებოთ ადრეულ საუკუნეებს, სულ ახლახანს, საქართველოს პირველი დემოკრატიული რესპუბლიკის დღემოკლე არსებობის ჟამს, თუ როგორი თანადგომა და ერთგულება გაუწიეს ოსებმა საქართველოს ახალგაზრდა სახელმწიფოს, წაიკითხოს ქართველი მეცნიერების ნაშრომები და არა მარტო ქართველების, არამედ არაქართველი მეცნიერების ისტორიული ნარკვევებიც, სადაც პირუთვნელად და სამართლიანად არის აღწერილი ფრანგული რაინდული ღირსების ორდენოსანი ქველი რაინდის ხაინდრავას ძმების „გმირობა“.

მაგრამ ხაინდრავას ფეხზე ჰკიდია ქართველი ხალხი და მისი უფლებები მის მშობელ მიწაზე!

მოვუსმინოთ რას ამბობს საფრანგეთის ახლად გამომცხვარი რაინდის შესახებ იმდროინდელი ამბების მომსწრე;

ლევან ხაჭაპურიძე, ზვიად გამსახურდიას ხელისუფლების დროს მისი წარმომადგენელი დიდი ლიახვის ხეობაში: „რატომ არ გამიხმა ის ხელი, რომლითაც ხაინდრავას ავაცილე. ხაინდრავა კაცი კი არა – არა კაცია! რამდენიმე დღე მატყუა, ცოცხლები არიან ბიჭებიო, მერე ოთხ ოჯახს და ამხელა სანათესაო-ჭირისუფალს ერთიანად ატყუებდა.

რამდენიმე კარგად მოხვდა მინისტრ ხაინდრავას ყბაში ჩემგანაც და სხვა ბიჭებისგანაც, კურდღელივით გაიქცა (ფრანგული რაინდული ღირსების ორდენის კავალერი, რომელიც სიმხდალესა და კურდღლობაში სხვას დასცინის – ა.ს.). ეგ ხეობაში ვეღარ შემოადგამს ფეხს, მე იქით ვიყო, ხალხია ძალიან აჯაგრული – ხაინდრავა აქ ამოსული რომ ვნახოთ, ცოცხალს არ გავუშვებთო.

ამ ხალხმა 15 წელი გაიტანა ერთმანეთი, ალყაში არიან, ტყვიების წვიმაში არიან, მაგრამ მშობლიური მიწა არ მიუტოვებიათ. ერთგულებისა და სიტყვის ფასი იციან და ვერ იტანენ გაიძვერა და სიტყვის გამტეხ ხალხს – ხაინდრავასნაირებს.

ქართველი ხალხის სამართლიანი უფლებების დამცველს, მის ჭირისუფალსა და სარანგს, დედ-მამითა და სისხლ-ხორცით, სულითა და გულით ქართველ ზვიად გამსახურდიას, რა განაჩენიც გამოუტანეს დასავლეთელმა დემონთკრატიის მამებმა, ამის მომსწრე და მნახველია ჩვენი თაობა. მათი ვერდიქტით, საქართველოს მიწაზე, ათასი ჯურის ავაზაკისა და გადამთიელის უფლებებს უნდა ენაცვალოს ამ მიწის ღვიძლი შვილების სასიცოცხლო ინტერესები და ვინც ამას ცხოვრებაში გაატარებს, მის მკერდს არ მოაკლდება ეშმაკის მოციქულთა ჩინ-მედლები და ორდენები, ხოლო ქართველთა ქომაგსა და მეოხეს _ ეკლესიის ქონგურებიდან დაშენილი ჭურვები.

ბოლო დროს, გოგა ხაინდრავას მიმართ, ხშირად გაისმის ბრალდება 1991-1992 წლების სახელმწიფო გადატრიალებაში მონაწილეობის შესახებ. საფრანგეთის რაინდული ღირსების რაინდი შეძლებისდაგვარად ცდილობს დაფაროს წარსული საქმენი საგმირონი და აცხადებს: იარაღი მქონდა, მაგრამ ქართველისათვის არ მისვრიაო.

აგერ უკვე სამი წელიწადია, გოგა ხაინდრავა აღშფოთებული და შეძრწუნებულია, 7 ნოემბერს რეზინის ტყვიები დაგვიშინა მიშას ხელისუფლებამო, ამ ავაზაკს ის კი ავიწყდება, როგორ ტყვიებს უშენდა თვით საქართველოს მტრებისა და მოღალატეების მიერ მოწყობილი ამბოხის შედეგად ქვეყნიდან განდევნილ მის პირველ და ჯერჯერობით უკანასკნელ კანონიერ პრეზიდენტს.

ამ და სხვა ავაზაკთა მამხილებელი სანდო და წყალგაუვალი საბუთები დაგვიტოვა მათმა სულიერმა წინამძღოლმა და უსტაბაშმა ჯაბამ.

ავაზაკთა უსტაბაშმა ჯაბამ, მიაბარა რა ეშმას სული, შთამომავლობას მართლაც რომ ჩინებული მამხილებელი საბუთები დაუტოვა, რომელიც არანაირ რევიზიასა და გადახედვას არ ექვემდებარება!


მოვუსმინოთ ჯაბას: ჯაბა ისოსელიანი: „სრული პასუხისმგებლობით ვაცხადებ: 6 იანვარს გამთენიისას ბარათაშვილის ხიდთან გოგა ხაინდრავას „დევიატკამ“ და გია სვანიძის ბიჭებმა გაუხსნენ ცეცხლი ზვიად გამსახურდიას და მის მომხრეებს. პირველმა, ვინც ისროლა – ხაინდრავას ხალხმა თუ ჩვენებმა – „მხედრიონელებმა“, ვერ გეტყვით. ეს იყო შეცდომა, რადგან, როცა კაცს ხელშეუხებლობის გარანტიას აძლევ და კაცურად ჰპირდები უსაფრთხოდ დასტოვებ ქვეყანასო, უნდა შეასრულო. მერე გოგაც და გიაც მიმტკიცებდნენ, ბატონო ჯაბა, ჯერ იმათ გვესროლეს ავტობუსებიდანო, მაგრამ ამხელა კაცი მაგას ვჭამ? რა ესროლეს? ერთი სული ჰქონდათ, ბუნკერიდან თავდაღწეულებს, საქართველო მშვიდობიანად დაეტოვებინათ. არა, მაგარი მიქარვა მოუვიდათ, თან იმ ავტობუსში ქალები და ბავშვები ისხდნენ, პრეზიდენტს რომ თავი დავანებოთ!

რაღა უნდა მექნა? დავტუქსე ორივე, ბოდიში, აღარ ვიზამთო და ეგ იყო. ცხონებული გია მართლა შეწუხებული იყო, კიდევ კარგი არ მოვკალით ვინმეო. მეორედ აღარ ვიზამთო, ეგ იყო მაგარი – მგონი შევარდნაძის ჩამოგდებასაც აპირებდნენ, ეგრე გამოუვიდათ, რა”.

ხედავთ, გია სვანიძე შეწუხებულა ძლიერ, ეს ავაზაკი კი დღესაც გაიძახის, არ ვნანობ ზვიად გამსახურდიას, რომ დავუპირისპირდიო და ასეთ კაცს ასხამს მისებრ ავაზაკი გმირისა და რაინდის შარავანდედს.

არსებობს მრავალი საბუთი და მტკიცებულება იმის შესახებ, რომ იმ ავადმოსაგონარ, საქართველოს დამაქცევარ დღეს, ქაშუეთის ეკლესიის ეზოდან, გოგა ხაინდრავამ და მისმა ყაჩაღების „დევიატკამ“ გაისროლა პირველი ტყვია: გურამ პეტრიაშვილი, ზვიად გამსახურდიას უზენაესი საბჭოს წევრი (შენიშვნა: დედანში სწორედ ასე სწერია, ჩვენ კი ერთს შევახსენებდით გაზეთ „დრონის“ პატივცემულ რედაქციას, რომ ის უზენაესი საბჭო ზვიად გამსახურდიასი კი არა საქართველოს უზენაესი საბჭო იყო, რომელიც საქართველოს მოსახლეობამ აირჩია და თავკაცობა ზვიად გამსახურდიას მიანდო. ასეთი შეიძლება ვთქვათ შევარდნაძის სახელმწიფო საბჭოდ წოდებულ „გკჩპ“-ზე, შევარდნაძის იმედისა და მილიონი სამუშაო ადგილის პარლამენტებზე, რომლებიც, მართლაც რომ არ აურჩევია საქართველოს მოსახლეობის დიდ უმრავლესობას, _ ან კიდევ, მიშას სალაყბოებზე): სწორედ გოგა ხაინდრავამ ისროლა პირველი ტყვია ქაშუეთის ეზოდან, ამ უწმინდურმა ისროლა პირველად მთავრობის სახლის მიმართულებით.  პირველი მსხვერპლი იყო გია ბახია, გოჩა ბახიას ძმა.  მერე, როცა სიგუა-კიტოვანმა და იოსელიანმა მოგვცეს ხელშეუხებლობის გარანტია, 1992 წლის 6 იანვარს, გამთენიისას, ბარათაშვილის ხიდთან, სწორედ ხაინდრავამ და მისმა „დევიატკამ“ გაგვიხსნა ცეცხლი. იქ იმყოფებოდნენ ზვიადიც, მისი ოჯახიც, მცირეწლოვანი ბავშვები“.


საინტერესოა, საფრანგეთის პრეზიდენტს ყველაფერი ეს რომ წაეკითხა, მოაწერდა კი იმ გუჯარს ხელს, რომლითაც ეს ორდენი ჩამოკიდა გ. ხაინდრავას?

არ მოაწერდა!

საფრანგეთის პრეზიდენტმა ხომ ამ ორდენით ლანა ღოღობერიძე, დიდი ქართველი ბოლშევიკის  ლევან ღოღობერიძის ასული დააჯილდოვა, ლანა ხომ მისი მამის საქმეების ღირსეული გამგრძელებელია. საფრანგეთის პრეზიდენტმა, აჯილდოებდა რა, პუტჩისტ ხელოვანს,  უთუოდ იცოდა მისი მამის მიერ წარმოთქმული სიტყვები: „Вы знаете, товарищи, что в Грузии дворянство составляет 6 процентов населения. Это необыкновенный процент, которого нет ни в одной другой стране. Даже в Польше, стране панов, число дворян достигает 4 процентов. Мы должны сократить в Грузии процент дворянства” – Леван Гогоберидзе.

ამ ორდენით დაჯილდოებულია მეორე არანაკლებ პუჩისტი ხელოვანი ოთარ იოსელიანი (როგორც ამბობენ, დედით ოსი) რომლის ფილმებს გულმოდგინედ ეწაფება დასავლეთის დემონთკრატიული ელიტა, მის კადრებზე აღბეჭდილია „საბრალო ოსების“ ხვედრი ზვიად გამსახურდიასეულ საქართველოში.

არაკაცობისა და არაკაცური იდეოლოგიის შექმნასა და მის პროპაგანდაში სამარცხვინო წვლილი მიუძღვის კრიმინალურ ინტელიგენციას – აქ მოტანილია მაგალითები იმისა, თუ როგორ იქმნებოდა და ვრცელდებოდა მთელს მსოფლიოში ბოროტი, არაკაცური სიცრუე – ადამიანის უფლებების ვითომ დიდი ქომაგის, აღიარებული რეჟისორის, მაგრამ არაკაცის ოთარ იოსელიანის ფილმის „Seule, Georgie – ული საქართველოს (1994)“ მაგალითზე.

მოღალატე, კრიმინალური ინტელიგენციის შეთითხნილი სიცრუე, შემდეგ მასობრივი ტირაჟებით ვრცელდებოდა მთელს მსოფლიოში და ფართოდ გამოიყენებოდა ქართველი ერის წინააღმდეგ. კერძოდ „Seule, Georgie – მხოლოდ საქართველო“ (განსხვავებით დოკუმენტური ფილმისაგან „შევარდნაძის მხილება“ – რომელიც მასზე ბევრად ადრე, 1992 წელს გამოვიდა და მხოლოდ ერთხელ იყო ნაჩვენები ამერიკაში და არც ერთხელ არ ყოფილა ნაჩვენები ევროპასა ან რუსეთში) მრავალგზის იყო ნაჩვენები ევროპაში, ამერიკაში და განსაკუთრებით რუსეთში!


  • ო.იოსელიანის ცილისმწამებლური ფილმი „საქართველო ერთია”
 http://video.google.com/videoplay?docid=-2102083368623298301
  • სხვა ვიდეოფილმების ნუსხა
http://www.facebook.com/besarion.gugushvili?v=app_7146470109

საგანგებოდ უნდა აღინიშნოს, რომ ამ თითქმის საათნახევრიან, ფარისევლურ – ვითომ ობიექტურ და ვითომ დოკუმენტურ ფილმში, რომელიც მთლიანად საქართველოს 1998-1994 წლების მოვლენებს მიეძღვნა – გაკვრითაც  არ არის ნახსენები საერთაშორისო ადამიანის უფლებების დამცველი ორგანიზაციების მიერ ფართოდ დოკუმენტირებული ის მხეცობები და ადამიანის უფლებების საშინელი დარღვევები, რომლებიც არაკაცთა ხუნტამ  ჩაიდინა – მთელი ფილმი კანონიერი ხელისუფლების ნომენკლატურული კრიმინალიტეტის მიერ დამხობის გამართლებას ემსახურება.
საგანგებოდ უნდა აღინიშნოს, რომ ამ თითქმის საათნახევრიან ფილმში, რომელშიც მოიძებნა ადგილი ყველა , ასე თუ ისე გამოჩენილი პუტჩისტის ყბედობისათვის – და რომელშიც ყბადაღებულად ქადაგებენ, რომ გამსახურდიას რეჟიმი, თითქოს მოწინააღმდეგეთა სიტყვასა და აზრს ახშობდა – არ და ვერ მოიძებნა ადგილი კანონიერი ხელისუფლების, თუნდაც ერთი წარმომადგენლის, ან მომხრის აზრის გამოხატვისათვის – „პლურალიზმის“ თვალნათელი დადასტურება…

http://mamuli.net/Simartle/default.asp?bpgpid=111&pg=1

ხედავთ ქართველებო, ის ჩვენი დასავლეთელი მეგობრები, ვის და რის გამოც აჯილდოებენ?
ასე, რომ ეს ორდენი ვერაფერი სამაყო და საბაქიბუქოა!

შორს არ არის ის დღე, როდესაც ქართველი ხალხი ამ მოღალატე მანქურთებს საკადრის ორდენებს მიუძღვნის!
გოგა ხაინდრავა ახსენებს ნაპოლეონის მიერ დაარსებულ საპატიო ლეგიონის ორდენს, რომელიც თვით ნაპოლეონმა გადასცა კაცობრიობის ყველა დროის უდიდეს მოაზროვნესა და შემოქმედს გერმანელ იოჰან ვოლფგანგ ფონ გოეთეს. გოეთემ კი მისი ქვეყნის დამპყრობელს დითირამბები მიუძღვნა და გენიოსი უწოდა, ის დიდი სიამაყით ატარებდა ნაპოლეონის მიერ ბოძებულ რკინის ჯვარს. მაშინდელი გადმოცემებიდან ცნობილია ისიც, რომ გოეთე დიდად არ თანაუგრძნობდა გერმანელი ხალხის განმათავისუფლებელ მოძრაობას, პირიქით…

ისევ საფრანგეთის ორდენების შესახებ, საფრანგეთის მთავრობები ორდენებს წითელი ჯვრისა და წყალწაღებულთა მაშველთა კორპუსის სამკერდე ნიშნებივით ურიგებდნენ ყოველი ჯურის ავაზაკსა და გარეწარს, მათ შორის ბორის ელცინსა და ვლადიმერ პუტინს.

საფრანგეთის საპატიო ორდენი აქვს, აგრეთვე მიღებული რუმინეთის ყოფილ დიქტატორს ნიკოლაი ჩაუშესკუს, მას დასავლეთის დემკრატიის მებაირახტრე ქვეყნების მთავრობებიდანაც აქვს მიღებული ორდენები. აი, ისინიც: ორდენი „გერმანიის ფედერაციული რესპუბლიკის წინაშე დამსახურებისათვის“, დანიის სპილოს ორდენი, დიდი ბრიტანეთის ბანის საპატიო ორდენი, წმინდა ოლაფის ნორვეგიის სამეფო ორდენი.

ბრიტანელების ორდენებზე უამრავ ნომინანტს განუცხადებია უარი, მათ შორის კანადის პრემიერ მინისტრ ალექსანდერ მაკნეზის, რომელმაც შეუთავსებლად ჩათვალა ჯილდოს მიღება შოტლანდიაში მომხდარი მოვლენების გამო. აი, ეს არის ჭეშმარიტი ღირსება, რომელსაც ამ გადაცემაში წამდაუწუმ ახსენებდა გოგა ხაინდრავა. საერთოდ ღირსებაზე, პატიოსნებაზე და ამგვარ კეთილშობილურ თვისებებზე გაუთავებლად გაჰკივის ის, ვისაც ამ თვისებების ნატამალი არ გააჩნია, თორემ ღირსებიანი და პატიოსანი კაცი  უსიტყვოდ აშუქებს გარშემო მყოფთ და აკეთილშობილებს მათ.

გერმანიის კანცლერმა ქალბატონმა ანგელა მერკელმა კარლოს დიდის საერთაშორისო პრემია გადასცა პოლონეთის ამჟამინდელ პრემიერ-მინისტრს დონალდ ტუსკის ევროპის გაერთიანების საქმეში გაწეული წვლილის გამო. დონალდ ტუსკი კი წარმომავლობით განეკუთვნება კაშუბელ ეთნიკურ უმცირესობას, ზოგიერთი წყაროს ცნობით კატინ 2 ტრაგედია (2010 წლის 10 აპრილი) პოლონეთის პრეზიდენტის ლეხ კაჩინსკისა და პოლონეთის სახელმწიფო ელიტის წარმომადგენლობის განადგურებით (ავია კატასტროფა), რუსეთის პრემიერ მინისტრ პუტინთან მისი საიდუმლო გარიგებით განხორციელდაო. აი, ამგვარად უთხრიან ძირს არააბორიგენი მოსახლეობის წარმომადგენლები ამა თუ იმ ქვეყნების სახელმწიფოებრივ ინტერესებს. ამის მსგავის მაგალითები მრავლად გვაქვს საქართველოს ისტორიაშიც.

საფრანგეთის მთავრობა, დემოკრატიის განვითარებისათვის, ადამიანის და ეროვნული უმცირესობების უფლებების „განუხრელი დაცვისათვის“ აჯილდოებს საქართველოში „ჩაგრულ ოსთა“ ინტერესების თავდადებულ დამცველს ვინმე გოგა ხაინდრავას, ეს იმ დროს, როდესაც დემოკრატიის აკვანში – საფრანგეთში ხელისუფლება „დემოკრატიული მეთოდებით“ ახშობს თავისუფლებისათვის მებრძოლ ბრეტონელების, კორსიკელების, კომორის კუნძულების მოსახლეობის ნებას. ჩვენთან კი, შეიარაღებული ექსტრემისტებისა და მკვლელების უფლებების დამცველს, ორდენით აჯილდოებს. ასეთი რამ მხოლოდ საქართველოს მიმართებაშია დასაშვები, ის ხომ „მცირე იმპერიაა“!

კიდევ ერთი კურიოზის შესახებ; დანიის უმაღლესი სპილოს ორდენით დაუჯილდოებიათ ბენიტო მუსოლინიც (!). ხოლო საკუთარი სამშობლოს თავისუფლებისათვის, ადამიანის ჭეშმარიტი უფლებებისა და თავისუფლებისათვის მებრძოლი ზვიად გამსახურდია, იგივე დასავლურმა სამყარომ ანათემას გადასცა და შეაჩვენა.  მიზეზი?
– ზვიად გამსახურდია თავისი ქრისტიანული მრწამსითა და მეობით წინ აღუდგა გადაგვარებულ და ეშმას გზაზე მიმავალ ამა ქვეყნის ძლიერთ, ამხილა ისინი სიცრუესა და ბოროტებაში, ფარისევლობასა და ფსევდო დემოკრატიაში!

ახლა კი გოგა ხაინდრავას პორტრეტის შტრიხებისათვის:
რაც შეეხება გოგა ხაინდრავას და მისი მოღვაწეობის ერთ სფეროს, რომელიც რატომღაც ფართო საზოგადოებისათვის ფარდა წაფარებულია. ეს „მოღვაწეობა“ მჭიდრო კავშირშია მის მრავალჯერად მინისტრობასთან.

გ.ხაინდრავა მინისტრობასთან შეთავსებით ეწეოდა ნარკოტიკების მოხმარება-გასაღების საქმიანობასაც მოყოლებული აფხაზეთის ომიდან დამთავრებული ცხინვალის ომით.

2005 წლის აპრილში გოგა ხაინდრავა იმყოფებოდა ცხინვალში, ვინმე ბორის ვალიევთან სტუმრობის შემდეგ ხაინდრავას მოუნახულებია ბორის ჩოჩიევი. ვალიევის ოჯახში შეშხაპუნების შემდეგ ჩოჩიევის კაბინეტში ნარკოტიკის „პერედოზიროვკის“ შედეგად გოგა ხაინდრავას კინაღამ წაუღია წერილი. გამოძახებულ ექიმს სათანადო მედიკამენტის ორმაგი დოზის შეშხაპუნებით გამოუბრუნებია ხაინდრავა ჯოჯოხეთის ბილიკებიდან.
ეს ყველაფერი კი ბორის ჩოჩიევს ვიდეოფირებზეც გადაუღია. (ჟურნალი პრაიმ ტაიმი, პაატა გაგნიძე)
ამ ფაქტამდის კი უფრო საჩოთირო ამბავიც დამართნია მინისტრ გოგას. ოსებთან „მოსალაპარაკებლად“ ჩასული ხაინდრავა თბილისისაკენ ბრუნდებოდა, რუსულ საგუშაგოზე გაუსკვანჩავთ და 700 აბი სუბოტექსიც უპოვნიათ მისთვის, რომელიც ტყვია გაუმტარი ჟილეტივით შემოუხვევია ტანზე. გასკვანჩულ ხაინდრავას მოუხერხებია იმჟამად უცხოეთში მყოფ ზურაბ ჟავანიასთან დაკავშირება, ჟვანიას პრეზიდენტისთვის გადმოურეკავს და საერთაშორისო სკანდალის თავიდან ასაცილებლად ოპერატიულად უმოქმედნიათ. თბილისში დაბრუნებული გოგა ხელისუფლების თავკაცებს უმტკიცებდა, რომ ის 700 აბი ჩემთვის მინდოდაო (?!). (გაზეთი „დრონი“, ლევან ჯავახიშვილი).
…………………………….

რაც შეეხება გოგა ხაინდარავას მიერ მიშას და  ვანოს მისამართით მრავალგზის განმეორებულ მუქარას,  6 მაისს გამოგიყვანთ წირვასო, 6 მაისიც ვიხილეთ, მაგრამ… მიშა და მისი ვანო უვნებელი და მრთელია, ხოლო ამ ავაზაკების მიერ მრავალგზის გაცუცურაკებული ხალხი კი ისევ ცხვირ-პირ შეღებილი დარჩა.

გოგა ხაინდრავა გულზე მჯიღს იბრახუნებდა, მთელს ქალაქს გამოვიყვანო, მიშას და ვანოს წესს ავუგებო, მაგრამ სააკაძის მოედანზე შეკრებილი მისი ამფსონების რაოდენობა მხოლოდ რამოდენიმე ასეულს თუ აღწევდა.  გაბრაზებულმა ხაინდრავამა ჩვეული ქუჩური მარგალიტებით შეამკო თბილისი და თბილისელები. „კოკასა შიგან რაცა სდგას, იგივე წარმოდინდების“.

აქ ერთ რამესაც უნდა მივაქციოთ ყურადღება, პუტჩისტების ხროვა, დღევანდელ დღეს ორივე ბანაკში თავშეფარებული ავაზაკები, ზვიად გამსახურდიას ბრალს სდებდნენ და სდებენ – ყველას ლანძღავდაო. მხილებას ლანძღვად ასაღებენ.

არა, ბატონ ზვიადს, ოდსმე ვინმეს პიროვნების ღირსების შეურაცხმყოფელი სიტყვა  უკადრებია? ესენი კი ერთმანეთს რას არ აკადრებენ,  დედის გინებასაც კი! ზვიადი ჭეშმარიტ ქართულ ოჯახში იზრდებოდა, ჭეშმარიტი ქართველი დედა ზრდიდა, ხოლო ამათი გამზრდელ-აღმზრდელები ვინ არიან ღმერთმა უწყის…

ისე რა შეხმატკბილებულად ღიღინებდა გადაცემის წამყვანი აქუბარდია და მისი ორდენოსანი მოპასუხე?! სულ ძმობას ეფიცებოდნენ ერთმანეთს. სულ ღირსება, ღირსებაო –ქაქანებდა ორი უღირსებო არსება. მაგრამ, ორიოდე კვირის შემდეგ, ხომ გამოჩნდა რა ღირსების მატარებელი და მქადაგებელია ეს ცრუ ეროვნული და დემოკრატიული ტელევიზია „კავკასია“?!

საინტერესოა, კიდევ გამოანათებს გ. ხაინდრავა თავისი პიჯაკითა და საფრანგეთის ორდენით „კავკასიის“ ფერადი ეკრანიდან?

ჭეშმარიტ ღირსებას არავითარი რკინის თუ ოქროს ორდენი არ სჭირდება დასტურად, ჭეშმარიტად ღირსეული კაცი, თვით არის ჩვენი საზოგადოების ორდენიცა და ჯილდოც! ეს რკინის ხარახურები სწორედ, რომ უღირსებოთათვისაა შექმნილი მათი უღირსობის დასამალად და მისაფუჩეჩებლად!

უჩინო, უმედლებო და უორდენო,  უბრალო ქართველი ა. სანდუხაძე


წმ. თამარ მეფის წარმომავლობის შესახებ

საქართველოს ცოცხალი  ლეგენდა თამარია მხოლოდ. გადაავლეთ  თვალი საქართველოს ისტორიას: ყველგან, საცა კი ინაკვთება სახსარი საქართველოს ისტორიის, რომელიმე ხაზტეხილი ეპოქათა მდინარების, ყვავილობს ყველგან სურნელოვანი სახელი თამარის. მიზეზი? – დიდი თამარ სათუთი ნერვია, საქართველოს სულის.

 გრიგოლ რობაქიძე

 

„მოწყალედ გვექმენ ქართველთა ჩვენო ლამაზო დედაო“

ქართველი ერის მოღალატეებს, ქართველი ერის მტრების ყურმოჭრილ ლაქიებს! ყველას, ვისაც ფეხზე ჰკიდია სამშობლო!

საქართველოს მაოხარად დანიშნულმა პატარა ცახესმა, სააკაშვილ მიხეილად წოდებულმა კვისლინგმა უკვე მერამდენედ ჩაგვაფურთხა სულსა და გულში. შეგვიბილწა ყველა სალოცავი და სათაყვანო.

და ამას თავზარდამცემი, გულისამრევი გულგრილობით, უზნეო დუმილით ისმენს ერი და ბერი. ეს ხდება აქ, ამ ჩვენს ცოდვილ მიწაზე. იქ, ზეციერ საქართველოში კი ბორგავს სული ფარნავაზისა, სული წმიდა მეფეთა – ვახტანგ გორგასალისა, დავით აღმაშენებლისა, თვით ქართველთა დიდი დედის წმიდა თამარისა. საქართველოსთვის შუბლგანგმირულნი ილია მართლისა და ზვიად განმათავისუფლებლისა, სული ვაჟასი და დიდოსტატ კონსტანტინესი, პავლე ინგოროყვასი და გრიგოლ რობაქიძისა.

არსაიდან განმკითხავი, არსაიდან ქომაგი!  ისე წავმხდარვართ და დავცემულვართ, რომ აღარ ძალგვიძს ამ აშკარა მტერს საქართველოისას ვინმემ პასუხი გასცეს, პასუხი აგებინოს, საკადრისი მიუზღვას და დაადუმოს.

ადრე, მის ამგვარ, საქართველოს სახელმწიფოს მიმართ აშკარა მტრულ გამოხტომებს, რაიც სულს მიფორიაქებდა და გულს მიკლავდა, უვიცობისა და უწიგნურობის გამოვლინებად მივიჩნევდი. მაგრამ დღეს უკვე ნათელია, რომ ეს კაცი მიზანმიმართულად, შეურაცხადობის აგონიის ფონზე სთესავს ამ ნარ-ეკალს, რათა თუ გვეღირსა და დაგვიდგა დღეი ძლევაი საკვირველისა, პასუხი ვერვინ მოსთხოვოს.

ამგვარი ბოდვებით, უვიცობით სთესს ის ჩვენს, მათი წყალობით ისედაც სასომიხდილ ერში არასრულფასოვნების სინდრომს. და უბედურება ისაა, რომ ამ ოლიგოფრენულ ბოდვებს არ პასუხობს ჩვენი ისტორიკოსების არმია, მხოლოდ ერთხელ მოვკარი თვალი აკადემიკოს მარიკა ლორთქიფანიძის კომენტარს. იქნებ მიზეზიც ჰქონდეთ – გიჟსა და სულელს ვინ გაპაექრებია?  მეორე მიზეზი კი ეს ცხოველური შიშია. ნუთუ მართლა ასე დაგვაბეჩავა!

ჩვენ უჩინო და უტიტულო ქართველებს არარად გვაგდებენ, არც-რად მივაჩნივართ! თავში ისე აქვს ავარდნილი პირფერთა და ლიქნიათა ლათაიები, რომ ცას ხელებით იჭერს, ხოლო თუ სადმე ბუზის ბზუილი გაიგონა მყისვე პირქვე ემხობა და მიწაში ჩაძრომას ლამობს, აკი ვნახეთ ერთხელ  მთავარსარდალ მიშიკო მაგარიას გულადობა და ვაჟკაცობა.

ჟურნალისტ ჯაბა ხუბუას კვლავ შეუკრიბავს მიშა მაგარიასეული „მარგალიტები“, ამ საუკუნის სამარცხვინო ფრაზები და მასაც გულ-სული ასტკივებია და სცდილობს ხმა მიაწვდინოს მის პროფესორ დედას. შეისმენს კი? შეასმენს კი მის პირმშოს რამეს?

ან კიდეც, ვინ იცის, იქნებ დედისეული სკოლა აქვს გავლილი, აკი იწუნებს ჩვენი თაობის სკოლასა და განათლებას – „ჩემმა თაობამ ვერ ისწავლა კარგად ისტორიაო“ ამბობს ლიქნიათა და  მედროვეთაგან მოწონებული მაგარი პრეზიდენტი მიშა.

იქნებ ისტორიაში ჩვენი განუსწავლელობის ბრალია, რომ არ ვიცით, რომ თურმე დავით აღმაშენებელიც ოცნებობდა ნატოში შესვლაზე, რომ თურმე მეთორმეტე საუკუნეში დავით სოსლანიც „სამხრეთელი ოსი“ ყოფილა. თურმე აგერ უკვე ოთხი საუკუნეა რაც ფერეიდანში ქართველი გულამოსკვნილი მღერის „სულიკოს“; ისიც კი არ გვცოდნია, რომ „სულიკოს“ დამწერი აკაკი წერეთელი არა XIX საუკუნეში, არამედ მეთექვსმეტე საუკუნეში დაბადებულა და იქნებ საქართველოს ბულბული დიდი აკაკიც ოსი იყო, ჰა? 

„ჩემმა თაობამ ვერ ისწავლა კარგად ისტორია“ – რაკი ეს მიშასაგან გავიგონე, მეც ვეცი წიგნებს, პაპირუსებს, ეტრატებს და დავიწყე ძებნა თამარის ბიოგრაფიებისა, მივჩხრიკ-მოვჩხრიკე, გადავიკითხე „ქართლის ცხოვრება“, გადავფურცლე ბასილი ეზოს მოძღვრის და მრავალთა მატიანენი, მაგრამ ვერა და ვერ მივაგენი. თითქოს ჩემს ჯინაზე ყველანი საგულდაგულოდ მალავს დიდი თამარის „ოსობას“ (უფალო შემინდე!)

მხოლოდ ერთგან მივაგენი ცნობას: „საქართველოს დიდ ხელმწიფეს გიორგი III (1156-1184) ჭაბუკობისას მამამ შერთო ოვსთა მეფის ასული, ბურდუხან (ძალიან ლამაზი ქალი, „მისებრი სძალი არა ეხილა ქართლის თემსა“). ამ შეუღლებისაგან იშვა ჯერ სახელოვანი თამარი და შემდეგ რუსუდანი“ (გუბაზ სანიკიძე, ლევან სანიკიძე, ისტორია I ქართული ბასილოიგრაფია (მეფეთა ნუსხა) გამომცემლობა სამშობლო, თბილისი – 1992 წელი, გვ. 45).

ინტერნეტ სივრცეშიც შემდეგი მონაცემებია თამარ მეფის შესახებ:  „თამარი მეფე გიორგი III-ისა და მისი მეუღლის ბურდუხანის უფროსი ქალიშვილი იყო. ბურდუხანი თავის მხრივ ოვსთა მეფე ხუდანის ქალიშვილი გახლდათ“.

http://ka.wikipedia.org/wiki/%E1%83%97%E1%83%90%E1%83%9B%E1%83%90%E1%83%A0_%E1%83%9B%E1%83%94%E1%83%A4%E1%83%94

მაშასადამე თამარის დედა ოვსი ყოფილა, სახელად ბურდუხანი, მაგრამ როდის იყო ქართველურ მოდგმაში (გარდა წარმართული ეპოქებისა), ქართულ ქრისტიანულ ყოფასა და ცნობიერებაში ეროვნება დედის მხრიდან წამოსულიყო?

იქნებ, ამ აზრების მფრქვეველი, საკუთარი ქვენა ზრახვებით ზომავდეს თამარის წარმომავლობის საკითხს და ამით სცდილობს გაამართლოს მისი არაჩვენებური წარმომავლობა?

ჰქმნის რა ფონს, სცდილობს შენიღბულად განახორციელოს მავანთა ფარული პოლიტიკური გეგმები ქართული ეროვნული თვითშეგნების დასაკნინებლად, არასრულფასოვნების დასამკვიდრებლად.

საკითხავია, არის კი ამ ნაბოდვარის პატრონი ნამდვილ ქართული მოდგმისა და ჭეშმარიტი ქართული ცნობიერების მქონე?

ავი ენები კი მართლაც ჩურჩულებენ რაღაც საწინააღმდეგოს!

რის პასუხადაც იგი სცდილობს საზოგადოებრივი აზრის შექმნას, რომ „ძალიან ბევრი ეროვნული მოღვაწე საქართველოსი, მაგალითად თამარ მეფე, აღარ ვლაპარაკობ დავით სოსლანზე, ოსი იყო“ და ჰგონია, რომ მის „დიდ ისტორიულ აღმოჩენას“  შოკში ჩავუგდივართ. არა ბატონო, შოკში არ ჩავვარდნილვართ, შოკში მაშინ ჩავვარდით, როდესაც ვიხილეთ მიწაზე გართხმული და შიშისაგან სულთმობრძავი, ჰალსტუხღეჭია მიშა მაგარია! 

რაც შეეხება დავით სოსლანს, აი რას გვამცნობენ ჩვენს მიერვე ზემო მოხმობილი წიგნის ავტორები: „სრულიად საქართველოს მეფეს გიორგი I ჰყოლია კიდევ „მეორე ცოლი“, ოსვთა მეფის ასული სახელად ალდე, რომლისგანაც დაბადებულა დემეტრე (ამ დემეტრეს შტოსაგან, მეექვსე მუხლად, წარმოსდგება თამარ მეფის ქმარი დავით სოსლანი“ (გვ. 37).

ახლა ვნახოთ ინტერნეტის ვიკიპედია დავით სოსლანის წარმომავლობის შესახებ:

დავით სოსლანი († დაახლოებით 1203 ან 1204), თამარ მეფის მეორე ქმარი.

თამარმა იქორწინა მასზე 1187 წელს დიდუბის სასახლეში. წყაროს ცნობით, დავით სოსლანი იყო თამარის მამიდის, რუსუდანის “გაზრდილი” და “თვისი” (“თვისი”, უფრო გავრცელებული აზრით, აღნიშნავდა ნათესავს, სხვა მოსაზრებით – ქვეშევრდომს, ვასალს, ასევე “გაზრდილს” ჰქონდა ორი მნიშვნელობა: გაზრდილის და ვასალის).

მემატიანე ახასიათებს, როგორც ზნეობრივი და რაინდული თვისებებით შემკულ, სასიამოვნო გარეგნობის კაცს. დავით სოსლანი სარდლობდა ქართველთა ლაშქარს თითქმის ყველა დიდ ბრძოლაში (ლაშქრობა XII საუკუნის 90-იანი წლების დასაწყისში ბარდავის მხარეში, არზრუმში – კარნუ-ქალაქში, გელაქუნში, ბელაქანში, განძის მიდამოებში, შამქორის ბრძოლაში 1195, ბასიანის ბრძოლაში 1203). როგორც თანამეფე, სოსლანი სახელმწიფოს გამგებლობაშიც მონაწილეობდა.

მის წარმომავლობაზე არ არსებობს ერთიანი აზრი. ქართულ სამეცნიერო ლიტერატურაში განმტკიცებულია მოსაზრება, რომ დავით სოსლანი იყო ოსეთში დამკვიდრებულ ბაგრატიონთა შტოს წარმომადგენელი. მკვლევართა აზრით, ეს შტო მომდინარეობს გიორგი I-ისა და ალანთა ტომის ასულის ალდე დედოფლის ვაჟის დემეტრესაგან (ხაზგასმა ჩვენია ა.ს). ვახუშტის ცნობით, დემეტრეს დარჩა ძე, რომელიც თავის ბებია ალდესთან ერთად ოსეთში გაიქცა, იქ იქორწინა მეფის ასულზე და თვითონაც ოსთა მეფედ იწოდა. დავით სოსლანი მისი შთამომავალი იყო. დავით სოსლანს ბაგრატიონად მიიჩნევს “ლაშა გიორგის დროინდელი მემატიანეც”. ზოგი მკვლევარის მოსაზრებით, დავით სოსლანი ცარაზონთა ოსურ საგვარეულოს ეკუთვნოდა, მაგრამ ამის დამადასტურებელი ცნობები საისტორიო წყაროებში არა ჩანს და ეს თვალსაზრისი ზეპირ ვარაუდად რჩება.

 http://ka.wikipedia.org/wiki/%E1%83%93%E1%83%90%E1%83%95%E1%83%98%E1%83%97_%E1%83%A1%E1%83%9D%E1%83%A1%E1%83%9A%E1%83%90%E1%83%9C%E1%83%98

  • Происхождение

Согласно Вахушти Багратиони, Давид-Сослан по отцовской линии был потомком Деметре, сына Георгия I, то есть был из рода Багратионов. У Георгия I, царя Грузии (10141027), было два сына от разных жён — Баграт IV и Деметре (последний добивался престола, но безрезультатно). Впоследствии он перебрался в Константинополь. Эти факты подтверждаются данными «Летописи Грузии» (Матиане Картлиса). У Деметре остался малолетний сын Давид, которого бабушка увезла в Осетию — на родину. Там его усыновил осетинский царь из рода Царазонов, затем выдал за него замуж свою дочь. Их сын Атон стал царём Осетии. Давид-Сослан был внуком Атона.

http://ru.wikipedia.org/wiki/%D0%94%D0%B0%D0%B2%D0%B8%D0%B4_%D0%A1%D0%BE%D1%81%D0%BB%D0%B0%D0%BD

  • Origins

David Soslan was a member of the royal house which ruled Alania (Ovseti or Oseti of the Georgian sources; hence, the modern designation of Ossetia), an Orthodox Christian kingdom in North Caucasus, and frequently intermarried with the Bagrationi Dynasty of Georgia. A relatively later chronicler, writing during the reign of George IV Lasha (son of Tamar and David Soslan; 1212-1223), ascribes David Soslan, though vaguely, the Bagrationi ancestry. A version of David’s Bagratid origin found further development in the works of the 18th-century Georgian scholar Prince Vakhushti Bagrationi. He considered David Soslan a descendant of George I of Georgia (1014-1027) and his Alan wife Alde who were the parents of Demetrius (Demetre), an unfortunate pretender to the Georgian crown whose son, David, was forced by Bagrat IV of Georgia to flee to Alania. According to Vakhushti, David and his descendants – Aton and Jadaron – married into the Alan ruling family and became “kings of the Osi [i.e., Alans]”. This Jadaron is said to have been David Soslan’s father.[1] While this account is considered credible by some scholars of Georgia, the issue of David’s dynastic origin still remains controversial.

An interesting passage from the 13th-century anonymous Georgian Histories and Eulogies of Sovereigns relates that David was under the patronage of Tamar’s paternal aunt Rusudan and came of “the descendants [ძენი; literally, “sons”] of Ephraim, which are Osi, handsome and strong in battle.” The Georgian scholar Korneli Kekelidze suggested that David Soslan’s family – the “Ephraimids” – might have claimed descent from the biblical Ephraim, and compared this family legend to that of the Bagratids who considered themselves descendants of David, the second king of the Israelites.[2]

In 1946, the North Ossetian archaeologist Evgeniya Pchelina announced that, during the digs at the Nuzal chapel in the Ardon Gorge, North Ossetian ASSR, she discovered the tomb allegedly belonging to David Soslan whom she identified with the certain Soslan mentioned in the Georgian asomtavruli inscription in the chapel, and suggested that David Soslan might have been a member of the Tsarazon family, a heroic clan from Nuzal known to the Ossetic folklore tradition.[3] However, the hypothesis has not been accepted by most Georgian scholars who regard Pchelina’s conclusions doubtful.

აი, ასეთ ცნობებს ვაწყდებით ინტერნეტ სივრცეში დავით სოსლანზე.

სხვა რამ იმ დროინდელი წერილობითი ძეგლი დავით სოსლანის წარმომავლობის შესახებ დღემდე არ არსებობს.

„ბაგრატიონთა დინასტიის ოსეთის შტოს ისტორია შედგენილია სანდო საისტორიო წყაროების მიხედვით. ამას ადასტურებს ნუზალის (ჩრდ. ოსეთი, კასარის ხეობა) ფრესკული მხატვრობაც (დ. ლოლაშვილი, დავით სოსლანის აკლდამის  საიდუმლოება, გვ. 81-82).

… დღემდე  ჯერჯერობით არავის მოუტანია დოკუმენტი , რომელიც წინ აღუდგებოდა ქართველ მემატიანეთა მტკიცებას დავით სოსლანის ბაგრატიონობის შესახებ. რაც შეეხება ვარაუდს, რომ დავით სოსლანი ცარაზონთა გვარს ეკუთვნის (ე. პჩელინა), იგი არაა საბუთებით გამაგრებული, მხოლოდ ზოგადადაა მინიშნებული ოსურ გადმოცემებზე, რაც, რა თქმა უნდა, მტკიცებისათვის საკმარისი არ არის. ზოგი მიიჩნევს, რომ “ცარაზონოვი” არის დავით სოსლანის გვარი  და ოსურად ნიშნავს “ბატონიშვილს” (ი. მეგრელიძე)”.  (როინ მეტრეველი “მეფე თამარი” – თბილისი, 1991, გვ. 162).

და ერთი რამაც, დავით სოსლანის ვიკიპედიის ინგლისური ვარიანტიდან ვგებულობთ შემდეგს:

1946 წელს ჩრდილოეთოსელი არქეოლოგი ევგენია პხელინა გვამცნობს, რომ არდონის ხეობაში, ჩრდილოეთ ოსეთის ასსრ, ნუზალის კაპელას გათხრებისას მან აღმოაჩინა საფლავი, რომელიც თითქოსდა დავით სოსლანს ეკუთვნოდა, რომელიც გაშიფრა კაპელის ქართული ასოთმთავრული წარწერით და შემოგვთავაზა, რომ დავით სოსლანი შესაძლებელი იყო ცარაზონთა საგვარეულოს, ოსური ფოლკლორის ტადიციებიდან ცნობილი ნუზალის გმირული კლანი, წევრი იყო. ეს ჰიპოტეზა ქართველი მეცნიერების უმრავლესობის მიერ არ იქნა მიღებული, რომლებიც პჩელინას დასკვნებს საეჭვოდ მიიჩნევენ.

და თუ დავით სოსლანი „სამხრეთ ოსეთელი“ იყო, მაშინ რატომ დაუსაფლავებიათ ის კავკასიის ქედს გადაღმა? განა თამარ მეფის თანამეცხედრისათვის (ოსების და რუსების თქმით, თურმე დავით სოსლანი საქართველოს მეფეც ყოფილა) კავკასიის ქედს გადმოღმა, ქართველთა პირსისხლიანი მტრების მიერ შეთითხნილ და არანაკლებ პირსისხლიანი მტრების მიერ წარა-მარა გნმეორებულ ე.წ. სამხრეთ ოსეთში, თუნდაც მის ე. წ. დედაქალაქში – ცხინვალში საფლავის ადგილი არ აღმოჩნდა?

მით უმეტეს, როგორც საისტორიო წყაროები გვამცნობენ ის თამარზე ადრე აღსრულებულა (წყაროებში სამი თარიღია მითითებული 1203, 1204, 1207) და დაუჯერებელია, თამარს მისი თანამეცხედის ნეშტი მთებს იქით დაესაფლავებინა.

„…დღემდე ჯერჯერობით არავის მოუტანია დოკუმენტი , რომელიც წინ აღუდგებოდა ქართველ მემატიანეთა მტკიცებას დავით სოსლანის ბაგრატიონობის შესახებ.“ – გვამცნობს ქართველი მეცნიერი. მაგრამ აი, 18 წლის შემდეგ გამოჩნდა კაცი, ევგენია პჩელიანას „საისტორიო სკოლის სწავლების“ მიმდევარი, რომელმაც „სწორად ისწავლა ისტორია“ და გვიმტკიცებს არა მარტო დავით სოსლანის ოსობას, არამედ პჩელინას დიდმა „შეგირდმა“ დავით სოსლანს უმოწყალოდ ზედ მიაყოლა მისი ღვთივმოსილი თანამეცხედრე მეფეთ-მეფე წმიდა თამარი.

ჩვენ ისღა დაგვრჩენია, რომ შევსთხოვოთ მოწყალე სააკაშვილს დაგვიდოს დღემდის ჩვენთვის უცნობი დოკუმენტები და „განგვანათლოს“.

როგორც სჩანს, მიშა სააკაშვილს ოსი სეპარატისტი და რუსი იმპერიალისტი „ისტორიკოსების“ ბილწი გონების ნაჟური გადაუბულბულებია და ამიტომ ჰგონია, რომ მის თაობას არ უსწავლია ნამდვილი ისტორია.

ჩვენ არც ნამდვილი ქართული გეოგრაფია გვისწავლია, თორემ ჩავჯდებოდით ახლა იმ მატარებელში, რომელითაც ილორის მაგიერ სულორში შევგრიალდებოდით.

ჩვენთვის რომ ნამდვილი ქართული პოეზიაც ესწავლებიათ მაშინ ორბელიანის ტაეპებს დიდ შოთას მივაწერდით და ქართული პოეზიის დედოფლის ლექსებზე რომ ავღზრდილიყავით, მაშინ ასე შევაჯერებდით დიდი ქალბატონი ანა კალანდაძის ლექსებს „ატმის რტოო, ატმის რტოო, ლამის სახლში შემომეჭრას თუთა“! (?!) მაგარია, არა?!

ეჰ, რამდენი რამე გვკლებია, როდის ავაღწევთ მიშა მაგარიას „ცოდნის“ სიმაღლემდე?! რამხელა ოჩოფეხები დაგვჭირდება მას რომ მხარი გავუსწოროთ!

ხუმრობა იქით იყოს, სერიოზულად განვსაჯოთ ჩვენი უბედურება, რომელსაც მიშა მაგარია ჰქვია და ნათელი მოვფინოთ იმ უკუნსა და ბნელს, რომელიც მის მოვლინებას მოჰყვა საქართველოში.

დავუშვათ, რომ ქართველთა დიდი დედა (მომიტევე დიდო თამარ!) ოსი იყო, რა მოხდა მერე ამით?! იქნებ დამისახელოთ ევროპის მონარქიული სახელმწიფოს რომელიმე მონარქი, რომლის ფესვი იმავე ქვეყნის წიაღიდან მომდინარეობდეს?

დიდი ბრიტანეთის გაერთიანებული სამეფოს უინძორების დინასტია, რომელიც სათავეს 1901 წლიადან იღებს, წარმოსდგება საქსენ-კობურგ გოთას საგვარეულოდან და ეს შენ დღეს დიდ ბრიტანელს რომ შეახსენო ცხვირპირი წითლად შეგეღებება! არადა აი, რას ვგებულობთ იგივე ვიკიპედიიდან:

Das Haus Windsor [‘wɪnz“] (ab 1917) ist das britische Königshaus. Wegen des innenpolitischen Drucks während des Ersten Weltkrieges aufgrund der deutschen Abstammung und Verwandtschaft der königlichen Familie mit dem Deutschen Kaiserreich, änderte König Georg V. am 17. Juli 1917 den deutschen Namen Sachsen-Coburg-Gotha (vom Haus Sachsen-Coburg und Gotha herrührend), den die Familie in Großbritannien seit 1840 trug, in den jetzigen Namen Windsor. Dieser steht für die kleine englische Stadt Windsor in der Grafschaft Berkshire, wo sich Schloss Windsor, die Residenz der königlichen Familie, befindet.

ე.ი. „უინძორთა სახლი (უინძორები 1917 წლიდან) არის ბრიტანეთის სამეფო სახლი. მეფე გეორგ V 1917 წლის 17 ივლისიდან პირველი მსოფლიო ომის მსვლელობისას შიდა პოლიტიკური ზეწოლით გერმანული წარმოშობის და გერმანიის იმპერატორების სამეფო სახლთან ნათესაობის მიზეზის გამო შეცვალა გერმანული სახელი საქსენ-კობურგ-გოტა (საქსენ – კობურგის და გოტას სახლი), რომელსაც ოჯახი 1840 წლიდან ატარებდა, უინძორთა სახელით. ეს წარმოდგება ბერკშირის საგრაფოს პატარა ქალაქ უინძორისგან, სადაც სამეფო რეზიდენცია, უინზორის ციხე-დარბაზი იმყოფება. 

თუნდაც თამარი (შემინდე დიდო დედაო!) ოსური წარმომავლობის იყოს, ვერ გამიგია, რა მიზანს ემსახურება ქვეყნის პირველი პირისგან წარამარა ამის ყრანტალი??

გაბედეთ და დიდ ბრიტანელებს შეჰკადრეთ დღეს უინძორები ბრიტანელები არ არიანო და რად დღეც თქვენს სიფათს დაადგება, უკეთესის ნახვას ვერც ვინატრებთ. ან კიდევ რუსებს უთხარი ის, ეკატერინა II პრუსიელი იყოო და ზარბაზნების ქუხილი მერე ნახეთ…

არადა ჩვენი სახელოვანი მეცნიერები, პოეტები, მწერლები საზოგადო მოღვაწენი როგორი სითათუთით, კრძალვით, მოწიწებითა და სიყვარულით მოიხსენიებენ მას. გავიხსენოთ

ისევ გრიგოლ ორბელიანი:

თამარ მეფის სახე ბეთანიის ეკლესიაში

შენს წმინდა სახეს,
შვენებით სავსეს,
სახიერებით განსხივებულსა,
ვუმზერ კრძალვითა,
თაყვანცემითა,
ცრემლ-მორეული გემთხვევი ფერხთა!
მიხარის – გიმზერ,
ვჰსწუხვარ – და გიმზერ,
და ესრეთ მზერა მსურს სიკვდილამდე,
არ გამოვფხიზლდე,
რომ აღარ ვჰგრძნობდე
ჩემი სამშობლოს სულით დაცემას!..

და დღესაც ამათი წყალობით დავრდომილი სამშობლოს ტკივილებს მეფეთ-მეფე თამარის ცქერით ვიამებთ.

ანდა რად ღირს ვაჟასეული ტაეპების გულში წაჩურჩულება

დიდი თამარი

ქალო, ქართველთა სულისდგმავ,
ქალო, ქართველთა დედაო!
ტყუილად ვამბობთ შენს სიკვდილს,
თამარს ცოცხალსა ვხედაო

შენა ხარ ერის სიცოცხლე,
თავი არ მომიკვდებაო!
მოწყალედ გვექმენ ქართველთა,
ჩემო ლამაზო დედაო!

რა ვქნა, როგორ ვერწმუნო მიშა სხვააკაშვილს? რამეთუ ვერსად ვერ ვკითხულობ მიშა მაგარიასეულ „შენ, ჩემო ოსო დედაო“-ს!

მიშა მაგარიას ჭავჭავაძის უნივერსიტეტში დაუკვეხნია: „ის თემები, რომელზეც მე ვსაუბრობ პირდაპირ არის კავშირში იმასთან, რის დანერგვასაც ცდილობდა ილია ჭავჭავაზე XIX საუკუნეში“.

ღმერთო დიდებულო რას არ გაიგონებ?! დიდება შენს მოთმინებას უფალო!

საერთოდ სმენია კი ამ „მრავლისმცოდნე“ პრეზიდენტს ილიას „თემების“ შესახებ რამე? გაუგია კი წმიდა ილია მართლის „ქვათა ღაღადის“ არსებობაზე რაიმე?

და თუ ერთხელ მაინც გადაუკითხავს წმიდა ილია მართალის რომელიმე თხზულება, მაშინ რად გვაყრის თვალში ნაცარსა და რად გვიწამლავს გათანგულ სულებს?

მიშამაგარიას უპირველესი მიზანი ხომ დღესავით ნათელია –  ახლებურად „ასწავლოს“ ქართველ სტუდენტობას ისტორია, ესე იგი – დაავიწყოს, ამოშანთოს ჩვენი გონებიდან ისტორიული მახსოვრობა და ჟამთაღრიცხვა მხოლოდ 2004 წლიდან დავიწყოთ.

საჭიროდ ვთვლით შთავაგონოთ მას ილიას ეს სიტყვები:

„…ყოველ სწავლასა და ცოდნას საძირკვლად საკუთარი მწერლობისა და ვითარების ცოდნა უნდა დაედოს.

ამ სახით რომ გვართმევენ ყოველს ჩვენს ეროვნულ ღირსებას, სთითხნიან ჩვენს ვინაობას… გვიბათილებენ ისტორიასაც… რისთვის არის ატეხილი ეს მტვერ-ბუქი, ეს ფუქსავატი ჭექა-ქუხილი?.. ვისი უნარია ყოველივე ეს? რა შავი ყორანია, რომ თავს დაგვტრიალებს, ზედ დაგვყეფს და დაგვჩხავის?.. ღმერთმა გვაშოროს, იგი ცოდვა მთელს ერს შევწამოთ… ერი, როგორც კრებული ისტორიით შედუღებულ ერთ-სულ და ერთ-ხორც მკვიდრთა, ყოველი პატიოსანისა და ჭკუათმყოფელი ადამიანისაგან უნდა პატივცემულ იყოს და მისი ასე თუ ისე გაუპატიურება, ავად-ხსენება – დიდად სათაკილო საქციელია. ყოველს ერს თავისი საკუთარი სახე აქვს, თავისი წადილები. ამაების შეგინება ერთი იმისთანა სიბრიყვეა, რომელიც გონებაგახსნილ ადამიანს არ ეპატიება“.

და საქართველოს დღევანდელ მანქურთ საჭეთმპყობელებს მინდა შევახსენოთ ისევ და ისევ ილიასეული სიტყვები:

„… ერის პირქვე დამხობა, გათახსირება, გაწყალება იქიდამ დაიწყება, როცა იგი თავისს ისტორიას ივიწყებს, როცა მასს ხსოვნა ეკარგება თავისის წარსულისა, თავისის ყოფილის ცხოვრებისა, დავიწყება ისტორიისა, თავისის წარსულისა და ყოფილის ცხოვრების აღმოფხვრა ხსოვნისაგან – მომასწავებელია ერის სულით და ხორცით მოშლისა, დარღვევისა და მთლად წაწყმედისაცა. წარსული – მკვიდრი საძირკველია აწმყოსი, როგორც აწმყო – მომავლისა. ეს სამი სხვადასხვა ხანა, სხვადასხვა ჟამი ერის ცხოვრებისა ისეა ერთმანეთზედ გადაბმული, რომ ერთი უმეოროდ წარმოუდგენელი, გაუგებარი და გამოუცნობია. ამიტომაც არის ნათქვამი ერის ბრძენისაგან, რომ აწმყო, შობილი წარსულისაგან, არის მშობელი მერმისისაო. ეს სამთა ჟამთა ერთმანეთზედ დამოკიდებულება კანონია ისეთივე შეურყეველი და გარდუვალი, როგორც ყოველივე ბუნებური კანონი“

და ვაი მას, ვინც ამ კანონის წინააღმდეგ წავა, მკაცრი თემი ქალბატონი ისტორია სამუდამო გაქრობას მიუსჯის სასჯელად! დასასრულ, ისევ მივმართავ მიშა მაგარიას ამფსონებს, ქალბატონებსა და ბატონებს, რომლებიც ისმენენ რა ასეთ მტრულ ბოდვებს მათი კუმირისაგან და თვით თევზებივით პირში წყალი ჩაუგუბებიათ:

–  მოგწონთ კი ბატონებო და ქალბატონებო ამ კვისლინგის ასეთი სიმაგრე?

–  თქვენთვის მიშას სიმაგრე და გამაგრება უმთავრესია თუ მამული ჩვენი?

მივმართავT ოთარ კობერიძეს, რომელმაც მიშა მაგარიას საამებლად კახეთში საარჩევნო ვაქხანალიისას ასეთი უტიფრობა და მკრეხელობა წამოროშა – „მიშამ დამპალი საქართველო ჩაიბარაო“, მოგიწონებდა კი ასეთ თქმას ბატონო ოთარ თქვენი თამარივით ლამაზი, სულნათელი მეუღლე ქალბატონი ლია?

გვინდოდა მიგვემართა მიშას ამქარში ქანცგაწყვეტილი ეკა ხერხეულიძისათვის, ნუგზარ წიკლაურისათვის, ცრუ დისიდენტისათვის ირაკლი კენჭოშვილისათვის, შოთა მალაშხიასათვის და  გამინისტრებულ პროფესორ იულონ გაგოშიძისათვის ორიოდე სიტყვით, მაგრამ საჭიროდ აღარ ჩავთვალეთ, რადგან ჩვენი ღაღადისი კედელზე ცერცვის ჰყრა იქნებოდა მხოლოდ.

ჩვენს წერილს პროლოგად გრიგოლ რობაქიძის სიტყვები წარვუმძღვარეთ და ეპილოგად იმავე მწერლის სიტყვებს დავურთავთ:

„…ვინ იცის, ჩვენს უმსგავსო ცხოვრებაში, საცა შურისა და შუღლის მეტი არა ისმის რა, მრავალი ქართველისათვის მხოლოდ თამარია ერთადერთი ნავთსაყუდარი. ვინ იცის, ჩვენს უგვანო ცხოვრებაში, საცა აღფრთოვანებას ფრთები ეჭრება “მეშჩანური” მორალისაგან, მრავალი ქართველისათვის მხოლოდ თამარია ერთადერთი ამაფრთოვანებელი მესაიდუმლე. და რამდენია ისეთი, რომლისთვის ამ საშინელ ქვეყანაში საკუთარი სულიც ციხედ გარდაქმნილა!

ასეთია დიდი თამარ, და ამ სიყვარულის ღალატი იქნებოდა, თუ შვიდასი წლისთავზე არ ითქვა უკანასკნელი სიმართლე… თამარ პლასტიური ლეგენდაა საქართველოს ისტორიისა, თვალის მომჭრელი და სმენამათრობელი“ (გაზეთი “საქართველო”, 1918, N90-91, 13-15 მაისი).

გილოცავთ 26 მაისის ღირშესანიშნავ დღეს!

     

     დღეს 26 მაისია – საქართველოს სახელმწიფოებრიობის აღდგენის, მერაბ კოსტავას დაბადების  და ლეგიტიმური პრეზიდენტის არჩევის დღე.

     გილოცავთ ამ ღირშესანიშნავ თარიღს! დამოუკიდებელ, მთლიან და თავისუფალ საქართველოში აღგვენიშნოს ეს ღირშესანიშნავი დღე ყველას ერთად!

Sinodis_Mxileba_10

      ბატონი ედუარდი ნამდვილად არის ის პიროვნება, რომელიც მსოფლიო მაშტაბებისთვის არის დაბადებული…ისეთი პიროვნებანი, როგორიც ედუარდ-გიორგი შევარდნაძეა, თანამედროვეთათვის შეუცნობელნი რჩებიან, რადგან ისინი დიდი საქმეებისთვის არიან დაბადებულნი. ამასთან, კომუნისტური რეჟიმის მსხვრევაში აქტიური მონაწილეობით, საოცარი სულიერი ფერისცვალება მიანიჭა მილიონობით ადამიანს. ბატონ პრეზიდენტს გულითადად ვულოცავ დაბადების დღეს და ვუსურვებ მრავალჟამიერ სიცოცხლეს ჩვენი ქვეყნის საკეთილდღეოდ. (სრულიად საქართველოს კათოლიკოს-პატრიარქი ილია II) / მაგთიკომის ჟურნალი „მუდმივი კავშირი” #1-2003 წელი

Sinodis_Mxileba_12

 

ვიდეოს სინქრონული ჩანაწერი: კულმინაციამ პიკს 14 სექტებრის საღამოს მიაღწია, როდესაც მოედანზე შეკრებილმა ხალხმა სახელმწიფო მეთაურს (ე. შევარდნაძეს) დაუჩოქა, რათა თანამდებობიდან არ გადამდგარიყო. ე. შევარდნაძე თანამდებობაზე დარჩა.

ილია მეორის მიმართვა დაჩოქილი ხალხისა და ე. შევარდნაძისადმი: „მთელი საქართველო ღელავს, ამიტომ მე უფლება მაქვს, როგორც საქართველოს სულიერ მამას და პირადად თქვენს სულიერ მამას მოგცეთ ლოცვა-კურთხევა, რომ მთელ საქართველოს განუცხადოთ, რომ თქვენ ბრძანდებით საქართველოს მეთაური!” დაჩოქილი ბრბოს ტაში და სიხარულის დიდი ოვაცია;

ე. შევარდნაძის მიმართვა დაჩოქილი ხალხისა და ილია მეორისადმი: „დიდი მადლობა, კარგათ იყავით, ხმა ღვთისა და ხმა ერისა!“

 

 

 

 

მართლმადიდებლური შეგონება კ. ზ. გამსახურდიას

მართლმადიდებლური შეგონება კონსტანტინე ზ. გამსახურდიას

„ნუ შეებმებით უცხო უღელში ურწმუნოებთან ერთად, რადგან რა საერთო აქვს სიმართლეს უსჯულოებასთან? რა აქვს საერთო ნათელს ბნელთან? რა შეთანხმება აქვს ქრისტეს ბელიართან? ან რა წილი აქვს მორწმუნეს ურწმუნოსთან?“

მოდით, განვიხილოთ, რას გვასწავლის უფალი, და მისი წმიდა ეკლესიის ღმერთშემოსილი  მამები, იმის შესახებ, არის თუ არა, ყველანაირი მშვიდობა, საღმრთო მშვიდობა, და არის თუ არა, ყველანაირი გაერთიანება ღვთისსათნომყოფელი?! ამასთან დაკავშირებით, მოვუხმოთ წმ. გრიგოლ ღვთისმეტყველის სიტყვებს – „ყველანაირი მშვიდობა როდია საღმრთო მშვიდობა! რამეთუ არსებობს მშვენიერი უთანხმოებაც და არსებობს დამღუპველი ერთსულოვნებაც. უნდა გვიყვარდეს მხოლოდ ჭეშმარიტი მშვიდობა, კეთილმიზანდასახული და ღმერთთან მიმყვანებელი, რადგან თუ აშკარა უკეთურებასთან გვაქვს საქმე, მაშინ ცეცხლსა და მახვილსაც არ უნდა ვერიდოთ, მითუმეტეს არ უნდა მივემთხვიოთ მზაკვრულ დვრიტას, არ უნდა შევუერთდეთ სენშეყრილს…“ღვთის მტერ და უწმიდურ ადამიანებთან გაერთიანება კი არა, მათგან გაყოფა ბრძანა უფალმა, რადგან დაუშვებელია ბოროტებასთან გაერთიანება; აი, რას ბრძანებს უფალი – ყოვლისმპყრობელი: „გგონიათ, ვითომ დედამიწაზე მშვიდობის მოსაფენად მოვედი? არა, გეუბნებით თქვენ: გასაყოფად. ვინაიდან ამიერიდან ხუთნი გაიყოფიან ერთ სახლში: სამნი ორის წინააღმდეგ და ორი სამის წინააღმდეგ. მამა იქნება ძის წინააღმდეგ და ძე – მამის წინააღმდეგ, დედა – ასულისა და ასული – დედის წინააღმდეგ“ ( ლუკა 12-51,53) და ეს ბრძანა უფალმა ღვთისა და ეშმაკის შვილთა დედამიწაზევე გაყოფის შესახებ, მომავალი განკითხვისათვის, როდესაც უფლის მარჯვნივ და მარცხნივ წარსდგებიან ადამიანები საშინელი სამსჯავროს მოლოდინში. და, ვისგანაც უფალმა გაყოფა ბრძანა, ვინ ბედავს, რომ ბოროტმსახურ უსჯულო ადამიანებთან გაერთიანდეს?!

ბატონო კონსტანტინე, ეს თქვენ მოგმართვათ, საქართველოს მართლმადიდებელი პრეზიდენტის, ზვიად გამსახურდიას შვილს, რადგან უკვე კეთილგონიერების ყოველგვარ ზღვარს გადახვედით, საღრმთო სინდისს უგულვებელყოფთ საკუთარ თავში, და თუ არ გითხარით სათქმელი, არ ივარგებს, არც თქვენთვის, და ჩვენც მკაცრად მოგვთხოვს უფალი პასუხს, იმისთვის, თუ, რატომ არ შეგაგონეთ, ურწმუნოებაში მყოფს, მისი წმიდა უცდომელი სარწმუნოების სწავლება, ბოროტისა და კეთილის დამღუპველი ერთსულოვნების, ანუ მართლმადიდებელთა მხრიდან ეშმაკთან შეერთების  ყოვლადდასაგმობი თქვენეული მცდელობის შესახებ!

დავიწყოთ იმით, რომ წმიდა პავლე მოციქულმა, კითხვის სახით მოგვცა გაფრთხილება: „ნუ შეებმებით უცხო უღელში ურწმუნოებთან ერთად, რადგან რა საერთო აქვს სიმართლეს უსჯულოებასთან? რა აქვს საერთო ნათელს ბნელთან? რა შეთანხმება აქვს ქრისტეს ბელიართან?, ან რა წილი აქვს მორწმუნეს ურწმუნოსთან?“ (II კორ.6-11,15) იმედია, ვერ გაბედავთ, უფლის მტერ მიხეილ სააკაშვილივით, რომ თავი აიმაღლოთ, სამყაროს შემოქმედი ღმერთის_ წმიდა მოციქულის, ამ წმიდა შეგონების წინააღმდეგ; ხოლო,  რადგან სიმართლის მსახურად წარმოაჩენთ თავს, მაშინ, გთხოვთ, გვიპასუხოთ, რა საერთო გაქვთ, თქვენ მართალ ადამიანს უსჯულოების მოქმედ ადამიანებთან?! ბუნებრივია, დასვამთ კითხვას, ვის ვთვლით ჩვენ უსჯულოდ და რატომ ვთვლით, უსჯულოდ! მოგახსენებთ, რომ ღვთის კანონთა თანახმად, უსჯულოებად ითვლება სიწმიდეთა მკრეხელობა, რაც გამოიხატება, მართლმადიდებლურ ტაძართა, ჯვარ-ხატთა დარბევაში, მართლმადიდებელი მღვდლის ცემასა და დაპატიმრებაში, მართლმადიდებელი მრევლის  ფიზიკურ მხეცურ ანგარიშსწორებაში! ხოლო, გლდანის ტაძრის  და მასში არსებულ სიწმიდეთა დარბევა და მღვდლის დაპატიმრება, განხორციელდა „თავისუფლების ინსტიტუტის“ მაშინდელი ლიდერის, გიგა ბოკერიასა  და თქვენი დღევანდელი რესპუბლიკელი თანამებრძოლების, თინათინ ხიდაშელის, მისი ქმრის დავით უსუფაშვილის, დავით ზურაბიშვილის, „კმარელების“ და სხვა მათ მსგავს უსჯულოთა ბეზღობით ადამიანის უფლებათა დამცველ საერთაშორისო ამერიკულ ორგანიზაციაში „ჰიუმან რაითს უოთჩში“, ამერიკის შეერთებული შტატების სახელმწიფო დეპარტამენტსა და კონგრესში; სწორედ, ამ თქვენი მეგობრების გამუდმებული ისტერიული მოთხოვნა იყო, რომ დასჯილიყო მართლმადიდებლობა საქართველოში და დაკანონებულიყო იეღოველთა სექტა და ზოგადად სექტები ჩვენს სამშობლოში; თინათინ ხიდაშელი, დავით უსუფაშვილი და მეგობარნი მათნი უკიჟინებდნენ ე. შევარდნაძეს და აიძულებდნენ ამერიკის კონგრესის ზეწოლით, რათა დაეპატიმრებინა სექტათა მდევნელი მართლმადიდებლები, რაც მოიმოქმედეს კიდეც, ოღონდ უფრო ცოტა მოგვიანებით, და ამერიკელ სენატორთა მოთხოვნით ე. შევარდნაძის ჩამნაცვლებულმა მიხეილ სააკაშვილმა, ზურაბ ჟვანიამ, ნინო ბურჯანაძემ, გიგა ბოკერიამ, მაია ნადირაძემ, ირაკლი ოქროაშვილმა, გოგა ხაინდრავამ, გიორგი ბარამიძემ, მერაბ ადეიშვილმა, ვანო მერაბიშვილმა, ახალაია-სანოძეებმა მძიმე ტექნიკით შეუნგრიეს კარებები გლდანის მართლმადიდებლურ ტაძარს, (ერთი კარები შემდუღებელი აპარატით გაჭრეს, მეორეს ჯავშან მანქანა მიაყენეს და შელეწეს ხოლო ტაძრის კედლები ავტომატებით დაცხრილეს)!

დიახ, თინათინ ხიდაშელის და მის მსგავსთა მოთხოვნით დარბიეს ხატები, ჯვრები, მართლმადიდებელი მრევლი სიკვდილის პირამდე სცემეს და ციხეებში ჩაყარეს, ხოლო ამ ყველაფერზე საჯაროდ, მასმედიით, თანაც დიდი სიხარულით უაღრესი კმაყოფილება გამოთქვა თქვენმა დღევანდელმა  რესპუბლიკელმა მეგობარმა ლევან ბერძენიშვილმა; აი, მისი სიტყვები: „მე ვარ უაღრესად დაკმაყოფილებული დღეს დაპატიმრებული აღმაშფოთებელი შემარცხვენელი დამნაშავის ამბით…სამართალმა ყველგან შეაღწია… “ ე. ი. ტაძრის დარბევა, მისი წმიდა საკურთხევლის მოოხრება, მღვდლებზე ხელის აღმართვა და მრევლის მხეცურად ცემა: „სამართალმა ყველგან შეაღწია ყოფილა“ და, დღეს, ეს ღვთისმბრძოლი ლევან ბერძენიშვილი ბრალს დებს მეორე ღვთისმბრძოლს მიხეილ სააკაშვილს დანაშაულში! გაუგონარი ცინიკური მკრეხელობაა, ეს თქვენი მხრიდან, ბატონო კონსტანტინე, და დღევანდელი თქვენი დემონოლოგი მეგობრების მხრიდან!

ე.ი. თქვენ, საკუთარი თავის სიმართლის მსახურად წარმომჩინებელ ადამიანს, მეგობრული ერთობა გაქვთ უსჯულოების მოქმედ  ადამიანებთან და, ამიტომ  გეკითხებით, თქვენ, ბატონო კონსტანტინე, რა განსხვავებაა, მიხეილ სააკაშვილ, გიგა ბოკერია, ვანო მერაბიშვილსა და თქვენს დღევანდელ რესპუბლიკელ მეგობართა: თინათინ ხიდაშელ, დავით უსუფაშვილ, დავით ზურაბიშვილსა, გოგა ხაინდრავა და ლევან ბერძენიშვილს შორის? ხელისუფლებაში მოსვლის შემთხვევაში, ისინიც, ხომ მიხეილ სააკაშვილისა და გიგა ბოკერიას მსგავსად კვლავაც გააგრძელებენ მართლმადიდებლობის დევნას საქართველოში?! ხოლო მართლმადიდებლობის მდევნელნი, ხომ კაცთა კვლასაც, არასოდეს ერიდებიან და ისევ გაგრძელდება დაუსრულებლად გირგვლიანის საზარელ ამბავთა საქმეები? რადგან, ვისაც კი ოდესმე ღვთის სიწმიდეთა წინააღმდეგ აღუმართავს ხელს, მათ ხომ ადამიანთა ხოცვა-ჟლეტა ცხოვრების წესად აქვთ გადაქცეული? თუ შეიძლება, გაგვეცით პასუხი, რა საერთო გაქვთ,  თქვენ სიმართლის მსახურებაზე პრეტენზიის მქონე ქრისტიანს, უფლის ამ უბოროტეს  მტრებთან? ანუ „ რა საერთო აქვს სიმართლეს უსჯულოებასთან?“ იქნებ, გაგვცეთ პასუხი, რა პასუხი გაგაჩნიათ ღმერთის წმიდა მოციქულის ამ კითხვაზე?

ასევე, ბრძანებს უფლის წმიდა მოციქული პავლე: „რა კავშირი აქვს ღვთის ტაძარს კერპებთან? რადგან თქვენ ხართ ცოცხალი ღვთის ტაძარი, როგორც ღმერთმა თქვა: „დავმკვიდრდები და ვივლი მათ შორის, ვიქნები მათი ღმერთი და ისინი იქნებიან ჩემი ხალხი. ამიტომ გამოდით მათგან და გამოეყავით! ამბობს უფალი. უწმიდურს ნუ მიეკარებით და მე მიგიღებთ თქვენ. ვიქნები თქვენთვის მამა და თქვენ იქნებით ჩემთვის ძენი და ასულნი, ამბობს უფალი ყოვლისმპყრობელი.“ (II კორ.7-16,18) ხოლო, თქვენ, თქვენს უსჯულო მეგობრებთან ერთად მიზნად დაგისახავთ უწმიდურთან შეერთება, კერპთაყვანისმცემელი სახელმწიფოსთან „ინტეგრაცია“; ბოროტებიდან განშორების მაგივრად, მიხეილ სააკაშვილივით, გეზი აღებული გაქვთ, ამერიკის შეერთებულ შტატებზე, რათა მიეტმასნოთ უწმიდურს, თავს აწონებთ ა.შ.შ._ს სახელმწიფო დეპარტამენტსა და კონგრესს, დაბრძანდებით იქ მოლაპარაკებებზე და მლიქვნელობთ ღვთისმგმობელთა კარზე, რათა მოიპოვოთ ერეტიკოსთა პოლიტიკური მხარდაჭერა, თანაც სწორედ იმ ღვთისმგმობელთა მხარდაჭერა, რომელებიც გამუდმებით სდევნიან ჩვენს სამშობლოში მართლმადიდებლობას და აკანონებენ სექტებს, რომელთაც სულ ცოტა ხნის წინ შეგვიგინეს ღმერთი და არნახული მხეცური სისასტიკით დაგვირბიეს მართლმადიდებლური სიწმიდეები, და სწორედ ამ სატანისტებს ემუდარებით, რათა მათი ამჟამინდელი ერთგული მსახურები: მიხეილ სააკაშვილი, გიორგი ბარამიძე, ვანო მერაბიშვილი, ახალაი-სანოძეები ჩამოიშორონ და საქართველოს ხელისუფლებაში ამჯერად თქვენ დაგაბრძანონ.

კომუნისტური პერიოდის ჟამს, თქვენი წინამორბედნი, პოლიტიკური მხარდაჭერის მოსაპოვებლად ღვთისმგმობელ კრემლში დარბოდნენ, იმ კრემლში, რომელიც თავად რუს მართლმადიდებელ ერს უფლის ხსოვნისთვის სასტიკად აწამებდა, ხოლო, დღეს,  უკვე თქვენ,  ამერიკულ-ევროპულ „კრემლში“ დაბრძანდებით, რომელთაც საკუთარ ერებთან ერთად უარყვეს, რა ხანია, უფალი ჩვენი იესო ქრისტე, და საკუთარი ცივილიზაციის კომფორტულ წიაღში, აღარც ჯვარი, აღარც ხატი, აღარც ღვთის ტაძარი, და აღარანაირი ნიშან-წყალი ღვთის ხსოვნისა აღარ მოეპოვებათ; არამედ ამ ზესახელმწიფოთა ხელისუფლებანი და მათი ერები ერთსულ-ერთხორც უარყოფენ მართლმადიდებლობას; ხოლო გამომდინარე აქედან, წაშლილი აქვთ ღვთისგან დაწესებული ზღვარი ნათესაური: აღარც ბიძაშვილი იციან, აღარც მამიდაშვილი, აღარც მამამთილი, აღარც ძმისცოლი, აღარაფერი ზნეობრივი და წმიდა მათთვის აღარ არსებობს; მათ საკერპო ტაძრებში მამათმავალ-ლეზბოსელი ეპისკოპოსები მსახურებენ, ოფიციალურად ნებადართული აქვთ ერთი სქესის ქორწინებები, ნათლავენ, აზიარებენ გველებს, ძაღლებს, კატებს, მაიმუნებს და რელიგიის დონეზე ათას სისაძაგლეს აკანონებენ, აი, ეს არის თქვენი ამერიკულ-ევროპული „გლობალიზაცია-ინტეგრაცია“, ანუ თქვენი ამერიკა და ევროპა სექტანტურად აღმსარებლობენ;

ამერიკის შეერთებული შტატების სახელმწიფო დეპარტამენტი და კონგრესი, სადაც თქვენ მლიქვნელურ თაყვანისცემას გამოხატავთ, ბაპტისტურ-იეღოველური აღმსარებლობისაა და ამ ზესახელმწიფოდან ვრცელდება საქართველოში იეღოველთა და ბაპტისტთა სექტის ყოველგვარი უსჯულოება და მათი ღვთისმგმობი ლიტერატურა ხრწნის და იბირებს საქართველოს მოსახლეობას! იქნებ, ფიქრობთ, რომ პოლიტიკურად მოატყუებთ ეშმაკს, ხელისუფლებაში მოხვალთ და თან იმართლმადიდებლებთ? ეგ რომ შესაძლებელი ყოფილიყო, როგორ ფიქრობთ, მამათქვენს თქვენზე მეტი სიბრძნე არ გააჩნდა, რომ თქვენზე უკეთესად მოეხერხებინა ეგ პოლიტიკა, და განა, დღესაც ხელისუფლების სათავეში არ იქნებოდა? რატომაც არა, ფიქრობთ, ალბათ თქვენ, და ქართველი სულგაყიდული „ვაცლავ ჰაველი“ თქვენი არჩეული გზით ხომ ჩვენც გვეყოლებოდა?

მამაშენმა შესანიშნავად უწყოდა, ყველა ჩვენთაგანზე უკეთესად ეს ყველაფერი, მაგრამ, იუდა ვაცლავ ჰაველივით, არ გაყიდა ქრისტე  და ამერიკულ-ევროპულ გლობალიზაცია-ინტეგრაციას უფლის ჯვარცმის გზა-გოლგოთა არჩია! ხოლო, თქვენ კი რას სჩადიხართ? ბედავთ, იმკრეხელოთ  ღვთის კანონთა წინააღმდეგ?

ახლა, რაც შეეხება, მამათქვენის უბოროტეს მტერ სახელმწიფო დამნაშავე გოგა ხაინდრავას, რომელიც არნახული ფარისევლობით გვერდზე მოისვით და მასთან ერთად გამოდიხართ ტელევიზიით, თანაც ბედავთ, რომ დაგვმოძღვროთ, ასე ვთქვათ, მასთან ერთად ამხელთ ვითომ მკვლელებსა და ტერორისტებს, კი მაგრამ, მასხარად გვიგდებთ, ბატონო კონსტანტინე? განა, გოგა ხაინდრავას და მის თანაამფსონ „მხედრიონელებს“ შეედრება კაცთა კვლაში მიხეილ სააკაშვილი თავისი მხეცთა ბუნაგით? რომ გამოდის, ეგ თქვენი მეგობარი გ. ხაინდრავა და იძახის ძირს მკვლელებიო, მაგან თავად, მამათქვენის სიძულვილით, მის სისხლს მოწყურებულმა, განა ნახევარი საქართველო დედა-ბუდიანად არ ჩადო მიწაში?! ან, განა, ღმერთი მიიღებს მაგის ფარისევლურ სინანულს, ორიოდ სიტყვით მოსაჩვენებლად, რომ ამოღერღა ტელე-„იმედით“?! რამეს რომ ნანობდეს ეგ ძმათა სასაკლაოს მომწყობი „კაენი“, კვლავაც კი არ უნდა ლიდერობდეს და თავად მკვლელი სხვის მკვლელობას  მართალი კაცივით რიხიანად საჯაროდ განიხილავდეს, პირიქით, სირცხვილით ვერც უნდა ბედავდეს ერის წინაშე გამოჩენას და სადმე განმარტოებით მჯდომი თავში ხელების ცემით, მოთქმა-გოდებით მომტირალი, დღე და ღამ უნდა ინანიებდეს  კაცთა კვლის თავის კაენურ ცოდვას, რადგან მაგის თავზე ღვთის რისხვად, აი, რა წყევლა არის აღმართული: „ეს რა ჰქენი? შენი ძმის სისხლი ღაღადებს ჩემდამი, წყეულ იყავ ქვეყანაზე, კვნესით და ძრწოლვით ხვიდოდე მასზე“ (დაბ.4, 10-11), ხოლო, თქვენ კი, როგორ ბედავთ, რომ ე. შევარდნაძის მიერ მამათქვენის კვალში ჩაყენებული ეგ დაგეშილი მდევნელი და  სახელმწიფო დამნაშავე, „მხედრიონთან“ ერთად სამეგრელოს ამწიოკებელი, ძმათა მკვლელი „კაენი“  ზუგდიდში შეგყავთ, ხალხს გონებას უმღვრევათ, და აბუჩად იგდებთ, როგორც მამის ხსოვნას, ისე მთელ ერის ბოლოდროინდელ საშინელ სისხლიან უბედურებას?!
გაფრთხილებთ, თუ არ შეწყვეტთ მაგ ღვთისმბრძოლ პოლიტიკობანას თამაშს, უფრო მკაცრი მხილება გელოდებათ წინ, რის შემდგომაც, ბრალი – უკვე, მართლმადიდებლობის ღალატში, ე.ი. ღმერთის გაცემაში წაგეყენებათ! ღმერთმა დაგიფაროთ!

„დიდგორის“ მართლმადიდებლობის პრესსამსახურის ხელმძღვანელი გიორგი წულაძე

იხ. ვიდეო — პუტჩისტი გ. ხაიდრავა

http://bpg.sytes.net/simartle/bpg/publication_view.asp?InfoID=11607&iabspos=1&vjob=vdocid,11607

იხ. დოკუმენტი –პუტჩისტები ს. ზურაბიშვილი და ჯ. კაშია

http://bpg.sytes.net/simartle/bpg/publication_view.asp?iabspos=1&vjob=vdocid,11537

ღია წერილი მსახიობ ო. კობერიძეს ანუ მიშას „ბაში-აჩუკი“

7_noemberi_5

ერის დარბევა

ერთ ქართულენოვან გაზეთში თვალი გადავავლე ცნობილი ქართველი მსახიობის ოთარ კობერიძის ინტერვიუს იმავე გაზეთის კორესპონდნტთან, რომლისთვისაც მხცოვან მსახიობს უთხოვია – პატივი ეცი ჩემს ოთარ კობერიძეობას და ჩემს ინტერვიუს არანაირი კომენტარები არ გაუკეთოო, დაუნამუსებია ჟურნალისტი და მასაც მეტი რა გზა ჰქონდა კომენტარის გარეშე დაუტოვებია მსახიობის ვრცელი ინტერვიუ.

თავს უფლება მივეცი და გადავწყვიტე კომენტარები მე გამეკეთებინა, იქნებ ისეთი ვერ იყოს, როგორიც იმ გაზეთის პროფესიონალ ჟურნალისტებს ხელეწიფებათ, მაგრამ გულისთქმამ თავისი ჰქნა და გავკადნიერდი, მაპატიე, ბატონო ოთარ! საკუთარი აზრისა და შეხედულების აკრძალვა სადაური დემოკრატიის პრინციპებია?! არა და როგორ შემჯავრდა ეს სიტყვა, განსაკუთრებით ამ ბოლო დროს, როცა დემოკრატიის მამებმა მეტად სამარცხვინო საქმე ჰქმნეს საქართველოში.

eklesiis_darbeva_2

გლდანის ტაძრის დარბევა

ბატონო ოთარ, თქვენ და თქვენმა სულნათელმა მეუღლემ, ქალბატონმა ლიამ ქართველ ხალხს მსახიობობით კი არ შეაყვარეთ თავი, არამედ იმ მართალი პოზიციის გამო, რომელსაც თქვენ ადექით იმ ავადმოსაგონარ ხანებში. არ გეგონოთ სააკაშვილის „მოწინააღმდეგეთა“ ბანაკში, არა მე ისევ ძველ ბანაკში ვარ და სხვაგვარად არ ძალმიძს!

ბატონო ოთარ, რაღაც-რაღაცეებში ჩვენ ერთ ნაპირზე ვდგავართ, თუნდაც ამ ოპოზიციასთან და მათ მხარდამჭერთა მიმართებაში, მაგრამ როდესაც ვახსენებ სააკაშვილს ვგულისხმობ მის ოპოზიციას და პირიქით. ისინი ხომ ყველა ერთად იმ უხსენებელი თეთრი მელიის საბუდარში დაიჩეკნენ, დაფრთიანდნენ და მისი ძუძუ უწოვიათ! აბა, როგორ შეიძლება მათი დაცალკავება და სხვადასხვა სიბრტყეზე დასმა? შენ კი ამბობ -კარგი გზა გაიარა ამ მელასთანო – მელასთან გვრიტები რომ არ და ვერ დაიზრდებიან 83 წლის კაცმა განა ჩემზე, 40 წლით ახალგაზრდაზე უკეთ არ უნდა იცოდეთ?

ბატონო ოთარ, კიდევ ვიმეორებ, არაფერი საერთო ამ ოპოზიციასთან არ მაკავშირებს მეთქი, და აქვე დავსძენ, თქვენგან განსხვავებით მე დარწმუნებული ვარ იმაში, რომ ამ არაკანონიერი არჩევნებით, თუნდაც ის ტოტალურად არ გაეყალბებინოთ, შენი მიშა ვერასდროს ვერ გახდება კანონიერი პრეზიდენტი, რამეთუ ის თვით არის არაკანონიერების მემკვიდრე, უკანონო შვილი შევარდნაძის დიქტატურისა!

ბატონო ოთარ, შენვე ამბობ – ზვიადის იდეების ერთგული ვიყავი და დღესაც მისი ერთგული ვარო, აკი ზვიად გამსახურდია საქართველოს მოსახლეობას ყოველი არჩევნების ბოიკოტისაკენ მოუწოდებდა საქართველოს ამომრჩევლებს -სანამ ქვეყანაში კანონიერი ხელისაუფლება არ აღსდგება ყოველი არჩევნები უკანონო იქნებაო, იქნებ სცდებოდა საქართველოს კანონიერი პრეზიდენტი? თუ არა და როგორ რჩებით მისი იდეის ერთგული, ეს მოწოდება საქართველოს ტანჯული პრეზიდენტის ახირება რომ არ იყო ამაში დრო გვარწმუნებს. თვინიერ კანონიერების აღდგენისა ვერ ეღირსება შენსა და ჩემს მამულს მშვიდობა და დალაგებული ყოფა-ცხოვრება.

კიდევ ნეიტრალური მხარიდან მინდა მივუდგე, 1992 წლიდან დღემდე პირადად არასდროს მივსულვარ საარჩევნო უბანში ხმის მისაცემად, მაგრამ ჩემი ბიულეტინი სულ ჩაგდებული იყო საარჩევნო ყუთში, მაშინ სხვა დრო იყო, მაგრამ ნახავერდალი რევოლუციის შემდეგაც თუ იგივე განმეორდებოდა ამას კი ვეღარ წარმოვიდგენდი! შენმა ნაქებმა მიხოს ხელისუფლებამ ამჯერადაც გამოიყენა ჩემი ბიულეტენი მის სასარგებლოდ. დედ-მამის სულს გეფიცები მართლა ვნახე ინტერნეტის გვერდზე საარჩევნო სიაში ჩემი გვარი.

მეც შენსავით ალასანიას და სააკაშვილის ერთობლივი ნაწარმის მეხოტბე, რომ ვიყო, 5 იანვარს მაინც ვერ მივიდოდი საარჩევნო „იაშიკთან“ და იცით რატომ, მიზეზი უბრალოა, კარგა ხანია ქუდად უცხოეთის ცის თავანი მახურავს და რაც დრო გადის გული მაინც ჩვენეულად მიძგერს! მერე ისიც გავიგე, რომ ჩემი ქალაქის ჩემ საარჩევნო  უბანზე საარჩევნო კომისიის ნაცისტი წევრების წყალობით ასპროცენტიანი გამოცხადება დაფიქსირდა! იმ სხვა ასეულობით ადამიანს რომ თავი დავანებოთ, რომლებიც ჩემი უბნიდან ხალხი სულ მთლად მიმოიფანტა და უგზო-უკვლო ხეტიალში ატარებს დარჩენილ წუთისოფელს, მეათასედი პროცენტიც აღარ ვარ იმ უბნისათვის მარტო მე ერთი? შინ მხოლოდ მოხუცები და აქა-იქ ბავშვებიღა დარჩნენ. იმ საარჩევნო უბანს ძველი კომსომოლა, სოცშეჯიბრებისა და უზნეობის ვეტერანი მდედრი ხელმძღვანელობს უკვე აგერ 16 წელი იქნება, ეს მდედრი ასევე აყალბებდა კრწანისის რეზიდენციის შენსავით მოხუცი მკვიდრის „არჩევნებს“, როგორც ბევრი რამ და ვინ ეს მდედრიც მემკვიდრეობით გადაულოცა სისხლით შეღებილმა თეთრმა მელამ მის სკოლაგანავალ მიშას!

ცნობისათვის კი მოგახსენებთ, რომ იმ კეთილად და სანუკვრად მოსაგონარ არჩევნებში, რომლის ბადალი საქართველოში კი არა, არსად რომ არ ჩატარებულა, ჩემს უბანში 1100 მდე ამომრჩეველი იყო, ეს 1990 წლისთვის, ხოლო 2007 წლისთვის კი 1400 უჩვენებდა მიშკას სიები. არჩევნებზე კი 600-ზე ცოტა მეტი გამოცხადებულა თურმე.

ეს კი არა და ისიც კი მითხრეს ჩემი გარდაცვლილი მშობლებიც კი ყოფილან ნაცისტების საარჩევნო სიებში, ათიოდე წელია ვეღარ შევყურებ მშობელ ზეცას, მენატრება უსაშველოდ, მაგრამ ასეთი გულდაწყვეტილი არასოდეს არ ვყოფლივარ, მეც რომ მანდ ვყოფილიყავ, იქნებ შევხვედროდი ჩემს მონატრებულ დედ-მამას მაგ „დიადი არჩევნების“ დღეს? თუმცა მაინც არა, პრინციპებს ვერ ვუღალატებდი და მათ ნახვას კიდევ ერთი ასი წლით მაინც გადავდებდი, მონატრებაზედ ძლიერია საკუთარი ღირსება, რომელსაც ბევრი მოხუცი თუ ახალგაზრდა დრო და დრო ღალატობს! ისე ჩვენში დარჩეს ბატონო ოთარ და მაინც რა არ ძალუძს ედიკას მუხლებზედ ნახვარხვალებ და ოკეანე დალეულთ?!

მაშინ სამშობლოში, ჩემს კერაზე ვიყავი, ახლა ჯანდაბაში ვარ გადაკარგული და იმ დროს წამოვედი ამ მოუსავლეთში, როდესაც შენი მიხო სამართლის  თუ სიმართლის (იუსტიციის) – საქართველოს რეალობაში უსამართლობის მინისტრი ბრძანდებოდა და კანცელარიასა და პარლამენტს შორის კოჭებს აცილებული შარვლით მიჰქრი- მოჰქროდა.

მაშინ პროტესტის გრძნობასთან სიამაყის გრძნობაც ერთვოდა თან, ერთგული ვრჩებოდი ჩემი პრეზიდენტისა და ჩემი სამშობლოსი, წილს არ ვდებდი მათთან ერთად მამულის ამოძირკვაში! ახლაც დაახლოებით ასეცაა, მაგრამ სამართლიანმა აღშფოთებამ იმძლავრა, ვის მოვკითხო ჩემი ხმა დიდო მსახიობო, რომ ბრძანებთ არჩევნების ჩატარებას დავანებოთ თავიო?! ეს კაცობაა?! ვინ უდგას ამ ყველაფერს სათავეში, ვინ არის ამ ღმერთგამწყრალების უსტაბაში?!

ბატონო ოთარ, ნუთუ თქვენთვის ჩემნაირი უჩინმედლო ქართველები არაფერს წარმოადგენენ, ნუთუ ფიქრობთ რომ ჩვენ უბრალო ხალხს აღარც თავმოყვარეობა უნდა გვქონდეს და აღარც არაფერი? მაშ როგორ უწოდებთ მას პრეზიდენტს, რომელმაც მე ხმა ავაზაკურად მომპარა, თუნდაც ერთ ამომრჩეველს, თუ მე იმ სამ მილიონნახევრიან ელექტორატისთვის ზღვაში წვეთი ვარ?! აბა, ჩაიხედე ჩემს გულში რამდენი შხამი ჩამაწვეთეს 1992 წლიდან დღემდის?

თქვენ ამბობთ, რომ მიშაში ბევრი რამ ჰპოვეთ, რაც მას საერთოდ არ გააჩნია! ფაქტად ერთს მოგიყვანთ, თუნდაც განათლება – აბა, კაცურად მითხარ ქართველი კაცი, რომელიც რუსთაველსა და ორბელიანს ერთურთისაგან ვერ არჩევს ის განათლებულია? ქართვლმა კაცმა, რომელმაც არ იცის სულორი სადაა და ილორი სად ის განათლებულია?  ისმენთ თქვენ იმის „რეჩებს“? მოგწონთ კი მისი გამოსვლები? შინ ჯანდაბას, მაგრამ შინს გარეთაც რომ მოგვჭრა თავი ესაა უბედურება: რუსეთში, მეთვრამეტე საუკუნეში გამოცემული კანონი ეკატერინას რომ მიაწერა და თურმე ის კანონი ეკატერინას დაბადებამდე რომ გამოუციათ, შეიტყვეთ თქვენ ამის შესახებ?

ბატონო ოთარ, მისი შედარება ჩვენს სიბრძნის მეუფე პრეზიდენტთან მკრეხელობა არაა?! მე ხშირად შევსწრებივარ ზვიადის საუბრებს უცხოელებთან, რომლებიც მოხიბლულნი, აღფრთოვანებულები დარჩენილან მისი განსწავლულობით. ჩემს გასაწბილებლად, როცა მის მოსმენას დააპირებთ, გირჩევთ, ნაცნობებში დაწყებითი კლასების მასწავლებელი გამოძებნოთ და გვერდით მოისვით რვეულის ფურცლითა და საწერ-კალმით და ის აღნუსხავს სამწუთიან გამოსვლაში, თითოეულ წინადადებაში სამ-სამ შეცდომას მაინც. არა არც მე ვარ დიდი გენიოსი და უგზო – უკვლოდ განათლებული, მეც უამრავ შეცდომას ვუშვებ, მაგრამ ვცდილობ, ჩემი ნათქვამი თუ ნაწერი მსმენელმა და მკითხველმა გულის თვალით დაინახოს.

მიშამ ამ სამ წელიწადში საქართველოს ზურგი გაუმართაო – ბატონო ოთარ, საქართველოში რას და ვის გულიხმობ? მაშინ საქართველო ჩემი ქალაქი, ჩემი უბანი, ჩემი სოფლები არ ყოფილა! იქ ხალხს უკვე, ზურგის გამართვის რა მოგახსენოთ და ფენთხები არქვს ჩაცვენილი და სულს ღაფავს უსახსრობით, უწამლობით, უიმედობით და თქვენ კიდევ შადრევნებზე და კარუსელებზე მესუბრებით, ქართველი თუ აღარ დამრჩა სამშობლოში მაშინ ბენდუქიძის ოყნები მისმა ამგებებმა და მათმა გამგებ-მომხრეებმა მოიხმარონ მშვიდობაში!

ბატონი ოთარი აღფრთოვანებულია მიშასეული რეფორმებით ნებისმიერ დარგში. ბატონო ოთარ, ინტელიგენციის იმ ნაწილის მიმართ, რომელიც დღეს ამ ოპოზიციის მფარველი ანგელოზია, ამ საკითხშიც ერთადა ვართ, მაგრამ რა ვუყოთ იმ ათასობით მასწავლებელს, აღმზრდელს, პროფესორს, დოქტორს და აკადემიკოსს, ვინც პატიოსნად ემსახურა ქვეყანასა და ხალხს, ვისაც წლების განმავლობაში ქრთამი კი არა გასამრჯელოც რომ არ აუღია და მაინც არ მიუტოვებია საკლასო ოთახი, აუდიტორია თუ საბავშვო ბაღი? ბატონო მსახიობო, მეც მყავდა მასწავლებლები და პროფესორებიც, მათი უმრავლესობა კეთილსინდისიერი ადამიანები იყვნენ და ჩემს სულში მათმა გუთანმა ხვავრიელი კვალი გაავლო, ამ ხალხს დღეს წოდებები გაუუქმეს, თქვენაო კომუნისტების დროსა გაქვთ მიღებული ეს სამეცნიერო ხარისხებიო, ქალბატონ გიული ალასანიას გიორგი ბრწყინავალეს დროს აქვს სამეცნიერო ხარისხი მოპოვებული თუ ნიკოლოზ II დროს? დედა უნივერსიტეტიო – რომ ბრძანებთ, დაგავიწყდათ როგორ უმწარებდა სულს უნივერსიტეტის დღევანდელი მესვეურები ბატონ გურამ შარაძეს, თუ არც ის არ იყო პროფესორი და აკადემიკოსი?

გახსოვს პროფესორ ხუბუას ორ თუ სამგვერდიან მოხსენებაში 40 შეცდომა რომ დაუფიქსირა “ბუნტისთავმა” გურამ შარაძემ (მომიტევოს მისმა სულმა)?ან კიდევ რისთვის დააპატიმრეს? გინდა შენ იმ სურათების ყურება ქართულ ბიბლიოთეკაში, რომლებიც მან ჩამოხია? ბატონო მსახიობო, ოთარ კობერიძევ, იქნებ მითხრათ, ლოტოტრონებით სკოლის დირექტორების დანიშვნაც რეფორმააო?!

ღრმად მოხუცებულო, 83 წელს მიტანებულო თუ აწ უკვე გადაშორებულო, ჩვენო ოდესღაც საყვარელო მსახიობო, წყალ-კანალტრესტის არშემდგარი სპეციალისტი რომ ქვეყანას განათლების მინისტრად ეყოლება, რომელიც უშეცდომოდ შენს და ჩვენს საყვარელ სიტყვა “ბავშვი” – ს რომ ვერ დაწერს, გინდა შენ ისეთ საქართველოში ცხოვრება? ქალები, სმა და მოლხენა უყვარსო, კი ბატონო, მაგრამ ჩვენი ტრადიციები, რომლის აღორძინების იდეაც ზვიად გამსახურდიასთან ერთად მოკლეს, ჯეობარელებმა შეგვირყვნას და წაგვიბილწოს? ეს არის ამ ხელისუფლების საქმე?

ბიჭები მოვიდნენო, იმ ბიჭებმა ქართლის დედა, რუსთაველი, ქართული სუფრა რომ შეგიბილწეს მოგწონს შენ ეს? დედა, ფეხს არ ადგმევინებთ მიწაზე, თუ რამე არ მოგწონს, საქართველოში მის არ ყოფნას აბრალებ, ეკლესიის დარბევა იქნება ეს თუ სხვა რამ. ისე, ბატონო ოთარ, მეც და თქვენც მაინც საბჭოთა ეპოქაში დაბადებულ – გაზრდილები ვართ, იმ სისასტიკემ მაინც დაგვასვა დაღი, თქვენი მსჯელობა ჩემთვის უცხო არ არის. განა ასე არ უწმენდნენ სტალინს ყოველივეს, ეს სხვამ ჰქნა და ეს სხვამო, ანდა გორბაჩოვს, ისე ერთი ბედის ყოფილან მაგენი ორთავე, როცა ის, მისი სეხნია გორბაჩოვი ჰაერში იყო, მაშინ ხდებოდა ყველაფერი უბედურება იმპერიაში და მის არყოფნას აბრალებდნენ ყოველივეს. ასე მოსდის ამასაც, მაგრამ პრეზიდენტებს შორის შენი მიშა კი ნამდვილად გინესის წიგნშია შესატანი, განა ექნება რომელიმე პრეზიდენტს ამდენი ნაფრენი, რაც მიშამ იფრინა თუ აფრინა? თითოეულს ცალ-ცალკე კი არა ყველას არ ექნება ერთად მისდენი ნაფრენი!

7_noemberi_7

დემოკრატიის „როდიონოვები“ რუსთაველის გამზირზე

ბატონო ოთარ, ჩვენო ბაშიაჩუკო, თუ პრეზიდენტს ისეთი ხალხი ჰყავს ირგვლივ ვინც არბევს მწერალთა კავშირს, გამომცემლობა სამშობლოს, ლტოლვილთა თავშესაფარს და ა. შ. მაშინ ასეთი კაცი პრეზიდნტად კი არა ფერმის გამგედ არ გამოდგება, რასა იქმნს მაშინ მწყემსებმა სულ ერთიანად რომ გაუწყვიტონ ნახირი?

ბატონო ოთარ მამა ბასილსაც ეხები, სულ მას აბრალებ იეღოველთა პარპაშს საქართველოს სოფელ -ქალაქს, ღმერთს შეხედე, ვინ გაატარა ეს ამომგდები სექტა რეგისტრაციაში? გეშინოდეს უფლის! განკვეთილიაო, აქ ერთ რამესაც მოგიყვან მაგალითად და ამის შემდეგ, ვიცი, არც მე დამადგება მავანთაგან კარგი დღე, მაგრამ რადგანაც მამა ბასილს შეეხე მოდით ცოტას გავაგრძელებ ჩემს წერილს და ვნახოთ ვინ ვინ არის, განკვეთილი ან განმკვეთელი.

patriarqi-ekumenistebtan-kol

ილია II საქართველოში ბაბტისტური სექტის ლიდერ მ.სონღულაშვილთან და კონსტანტინოპოლის ეკუმენისტ პატრიარქ ბართოლომეოსთან ეკუმენური ძმობისა და თანალოცვის წარწყმედაში!

უპირველესად კი ჩვენი პრეზიდენტის, რომლის იდეების ერთგულიც შენ ბრძანდები, მის სიტყვებს მოვიყვან და გავიგებთ ვისი ბრალიცაა სექტების პარპაში. მაშ ასე, წავიკითხოთ:

„სექტანტობა შეუთავსებელია ქართულ ცნობიერებასთან, უწინარეს ყოვლისა თავისი დაკნინებული, მწვალებლური აზროვნებით, ზნეობრივი დეგრადაციით, სექტანტობა ჩვენი მტრის მთავარი იარაღია, შემთხვევითი როდია, რომ მის გავრცელებას დიდად უწყობდა ხელს კომუნისტური ხელისუფლება, დღესაც იგი მთავარი იარაღია ჭეშმარიტ სარწმუნოებასთან ბრძოლაში. სექტანტობის გაძლიერებას ხელს უწყობენ ჩვენი ეკლესიის ცრუ საჭეთმპყრობელნი, თავისი შეგნებული პასიურობით, ნიჰილიზმით, ინდიფერენტულობითა და უზნეობით“ (ზვიად გამსახურდიას პასუხი საქართველოს ტექნიკური უნივერსიტეტის გაზეთ „სამანის“ რედაქტორის ბ-ნ გიორგი ანდრიაძის შეკითხვებზე).

ბატონო ზვიადის იდეების ერთგულო მსახიობო კობერიძევ, ახლაც გჯერათ თქვენი ნათქვამის? თუმცა ეს ნათქვამი თქვენი არა არს, ეს მათი მონაჩმახია მართალი მღვდლის წინააღმედგ, რომელიც თქვენ 83 წელს გადაცილებულმა მხურვალედ აიტაცეთ!

რაო, რაო ვინ უწყობს ხელს სექტანტების პარპაშსო, იქნებ გული ჩაგწყვიტათ სულნათელი მართლმადიდებლის სიტყვებმა „ჩვენი ეკლესიის ცრუ საჭეთმპყრობელნი“-ო. როგორები ყოფილანო ჩვენი ეკლესიის ცრუ საჭეთმპყრობელნიო? უზნეო, ანგარებიანნი, ქვაბავაზაკნი, აქ ჩვენი სულმნათი პრეზიდენტის იმ ლექსსაც მოვიყვანდი „ქვაბავაზაკი“ რომ ჰქვია, მაგრამ საგაზეთო სტატიის რეგლამენტი არ მაძლევს ამის საშუალებას, გირჩევთ წაიკითხეთ და გაიგებთ, რა ხდებოდა ჩვენს დედა ეკლესიაში თუნდაც ოცდაათი წლიდან მოყოლებული, მჯერა რომ გჯერათ და ენდობით ეკლისგვირგვინოსან საქართველოს ერთადერთ პრეზიდენტს!

ამ სიტყვების მერმედ უფრო გავკადნიერდები და სხვა რამესაც მოვიყვან ამ წერილში, რადგან მე ზვიადის იდეებისთვის მართლაც არ მიღალატნია!

ახლა მართლმადიდებლურ კანონ-სამართალსაც შევეხოთ:

მოციქულთა 45 კანონი ღაღადებს: თუ ეპისკოპოსი, მღვდელი ან დიაკონი მწვალებლებთან ერთად ილოცებს აეკრძალოს მღვდლობა, თუ ნებას მისცემს მათ (ერეტიკოსებს), რომ შეასრულონ რაიმე სამღვდლო წესი, როგორც მღვდლმა განიკვეთოს; ამისათვის ფოტოები, რომლებიც, ღმერთია მოწამე მე არ დამიმონტაჟებია, უტყუარი საბუთებია!

ბატონო ოთარ, შენთვის მიშაა მაგარი, ჩემთვის ეს სურათებია მართალი!

„თუ ეპისკოპოსმა მწვალებელთან ერთად ილოცოს აეკრძალოს მღვდლობა და განიკვეთოს. ასევე თქვენც გარეგნულად მართლები ჩანხართ ადამიანთა წინაშე, შიგნით კი თვალთმაქცობითა და უსჯულოებით ხართ აღვსილნი, იქედენთა ნაშობო გველებო! როგორ გაექცევით გეენიის სასჯელს?“ (მათე. 23, 28, 33)

shechveneba11

რა ხდება მხცოვანო მსახიობო, ვინ ჰკვეთავს ვის?
 
ახლა განვაგრძოთ ისევ კითხვა: „პატრიარქმა ილია მეორემ ქ. ბერნში, ძველ კათოლიკურ ტაძარში; აღასრულა ლოცვა, რომლის შემდეგ უამრავი მრევლის წინაშე წარმოთქვა ქადაგება (“ჯვარი ვაზისა“ 19981, 1)

„ჩვენი ეკლესია წევრია ისეთი საერთაშორისო ეკუმენისტური ორგანიზაციებისა, როგორებიცაა „ეკლესიათა მსოფლიო საბჭო”, „ევროპის ეკლესიათა კონფერენცია” და „ქრისტიანული სამშვიდობო კონფერენცია“… ჩვენს ეკლესიას აქვს ორმხრივი დიალოგი რომის კათოლიკურ, ანგლიკანურ და სხვა ეკლესიებთან… ჩვენ მაინც მივაღწიეთ რაღაცას, კერძოდ იმას, რომ შეგვიძლია ერთად ლოცვა“ (ილია მეორეს საუბრიდან ერთ-ერთ ერეტიკოსთან, „ჯვარი ვაზისა“, 1988, 2, გვ 72/*1).

806_ilia_papi_sveticx_dabla_iyureba_1

ბატონო ოთარ, როგორც თქვენ ბრძანებთ, თქვენთვის მართლმადიდებლისთვის ზემოთ მოყვანილი სჯული კანონებია კანონიკური და უმთავრესი თუ ამ სიტყვების ავტორის გამონათქვამები?

ვნახოთ რას ამბობს სხვა პატრიარქი – „მე ვგმობ ეკუმენიზმს იგი უბრალოდ წვალებად კი არა, საყოველთაო წვალებად – ყველა წვალებისა და ცრუმოძღვრების საცავად მიმაჩნია (ალექსანდრიის პატრიარქი ნიკოლოზ VI).

889_patriarqi-da-mwvaleblebi

ახლა წმინდა მაქსიმე აღმსარებელს ვუგდოთ ყური: „დაე, თუნდ მთელი მსოფლიო ეზიარებოდეს ჭეშმარიტებისაგან განდგომილ პატრიარქთან ერთად, მე მაინც უკუნისამდე არ ვეზიარები მასთან ერთად; თუნდაც სრულიად მარტო დავრჩე“.

რომელია შენთვის, მართლმადიდებელო, უმთავრესი საქართველოს ეკლესიის დღევანდელი ცრუ საჭეთმპყრობელი (ჩვენი, შენი და ჩემი პრეზიდენტის სიტყვებია) თუ წმინდა მაქსიმე აღმსარებელი?
 
ერეტიკოსი პატრიარქის და საერთოდ, ერეტიკოსი იერარქის მორჩილების უკანონო ეკლესიოლოგიის ბრალმდებელი ეფესოს III მსოფლიო კრების III კანონი: „ჩვენ ვბრძანებთ, რომ მართლმადიდებელი მსოფლიო კრების თანამოზიარე წევრი სამღვდლოებისა არანაირი სახით არ იყვნენ დამორჩილებულნი მართლმადიდებლობისაგან უკვე განდგომილ ან განდგომად ეპისკოპოსებს“

patrirqi_ekum

  • ორგზისი კრების XV კანონის ეპისკოპოს ნიკომიდოს (მილაში) და დალმატიელ – ისტრიელისეული განმარტება: „თუ კი ვინმე ეპისკოპოსთა, მიტროპოლიტთა ანდა პატრიარქთაგან დაიწყებს მართლმადიდებლობის საწინააღმდეგო რაიმე ერეტიკული სწავლების ქადაგებას, მაშინ დანარჩენი მღვდელმსახურნი და ეკლესიის მსახურნი უფლებამოსილნი, მეტიც ვალდებულნი არიან, მაშინათვე გამოეყონ აღნიშნულ ეპისკოპოსს, მიტროპოლიტს, თუ პატრიარქს; თანაც ამისათვის არა თუ არანაირ კანონიკურ სასჯელს არ იმსახურებენ, რამეთუ  ამით მათ განკითხეს არა ნამდვილი, კანონიერ მღვდელმთავრები, არამედ აღსდგნენ ცრუ ეპისკოპოსებსა და ცრუ მოძღვრებზე და არათუ განხეთქილება მოახდინეს ეკლესიაში, არამედ შეძლებისდაგვარად, ეკლესია იხსნეს განხეთქილებისა და გაყოფისაგან“. 
  • დიდი სჯულის კანონი, ნაწილი IX: „ეპისკოპოსთა და სხვათა სასულიერო პირთა ცოდვებისა და მსჯავრის შესახებ …“ თავი XXXIII „სამღვდლო დასის წარმომადგენელთა ცოდვა თუ იცის ვინმემ და არ განაცხადოს.…“
  • ბასილი დიდის კანონი 71: „ვინც მოწმე იყოს ყველა ჩამოთვლილი ცოდვისა და თვითონ კი არ აღიაროს, არამედ სხვამ ამხილოს, რომ იცის ცოდვის შესახებ, იმდენხანს იყოს დასჯილი ისიც, რამდენ ხანსაც განკანონებული იქნება თვითონ ცოდვის ჩამდენი“„იქადაგე სიტყვა … ამხილე, შერისხე და შეაგონე“ (II ეპისტოლე ტიმოთეს მიმართ:4,2) 
     
    „მორჩილებაი ჯერ არს ღმრთისაი უფროის ვიდრე კაცთაი” (სამოც: 5, 29). 

ბატონო ჩემო, ოდესღაც ჩვენთვის საყვარელო ოთარ კობერიძევ, რაიო? მკალავიშვილი არ არის პატრიარქისგან უფლება მოსილი, რომ მრევლი დალოცოსო და ის ეკლესიაც არ არის პატრიარქის მიერ დალოცვილიო? როგორია თქვენი აზრი ყოველივე ზემოთ მოტანილი კანონების წაკითხვის შემდეგ, ვინ ყოფილა ცრუ და განდგომილი, მწვალებელი და ერეტიკოსი ? იქნებ არ იცოდით ყოველივე ეს, ან სად უნდა გვცოდნოდა ჩვენ ხომ ათეისტურ იმპერიაში გავიზარდეთ, მეც ახლა ვსწავლობ, შენს შემთხვევაშიც არ იქნება ურიგო – სწავლა სიბერემდეო ხომ გაგიგია, რას იზამ, თურმე სულ სხვაგვარად ყოფილა საქმე. იქნებ ეს კანონები ჩემზე ადრე გქონდა წაკითხული? თუ ეს ასეა, მაშინ რასაა რომ ამბობ, მაღლა აიხედე!

ყოველივე სჯულის კანონების დარღვევის შემდეგ სხვა რა გზა რჩება პატიოსან მღვდელს? პატიოსან ქართველს? და ვინ იცის კიდევ რამდენი რამ, მაგრამ ძალიანაც კი გამიგრძელდა ეს ჩემი კომენტარები, შევეცდები მალე დავასრულო.

ერთგული ჯარისკაცობა შეგიფიცია, წაუკითხავს და გამოადგაო, რაში ბატონო ოთარ, სამიოდე წლის წინ ცხინვალიდან პანღურის კვრით რომ გამოყარეს მიშას ჯარისკაცები იმაში? თუ მასეა საქმე, შე კაი კაცო, იმ პირტიტველა ბიჭებს უგდებდით ქართველთა მტრებს და იმეტებდით სასიკვდილოდ?

ბატონო ოთარ, ვერც მერაბიშვილის ქებას მოგიწონებთ ხალხი, იცის ვინც არის მერაბიშვილი და მისი ოჯახი ხალხმა და ნამეტნავად ნუ გამოიდებთ თავს, ვის მეუღლეს უძღვის ნეტავ ბრალი უბედური ირინა ენუქიძის გაუბედურებაში, ჩემი ძმისას? ან კიდევ ზოგზოგიერთების ბათუმის ქაშბარებზე მაინც არ გსმენია რამე? ან კიდევ ვისი მეუღლის დიპლომის გამო დაიჭირეს სამცხე-ჯავახეთის უნივერსიტეტის რექტორი? ბოდიში, ცხოვრობთ კი ამ ხნის მანძილზე საქართველოში, მერე, შე კაი ადამიანო, მართლა ვკითხულობ ჟურნალ-გაზეთებსა ამ დასაკარგავში და თქვენ მანდ რა მოგდით?

არა, ნამდვილად არ არის პატიოსანი კაცის საქმე მერაბიშვილის ქება! ამას ვერ მოგიწონებს პატიოსანი და მართალი ქართველი ვერა!
 
ბატონო ოთარ, მარტო თქვენ რომ იყოთ ამგვარად მოაზროვნე… ვინ მამაძაღლი შეიწუხებდა მთელი ღამის გადასათენებლად თავს, ის ჩვენი ყოფილი უზენაესი საბჭოს წევრი, ყოფილი განათლების მინისტრი ქალბატონი ლიაც შენსავით ფიქრობს, ფიქრობს კი არა თურმე ასეც მკრეხელობს – ზვიადის სული მიშაში განსხეულდაო, ღმერთო დამიფარე ამის გამეორების გამო და მაპატიე ჩემო ტანჯულო პრეზიდენტო ! ამ მოქეიფე, უწიგნურ, მართმადიდებლობის აშკარა მტერთან და სამშობლოს მისხალ-მისხალ გამყიდველთან რა აქვს საერთო მამულისთვის გვემულ სულთან!

იხ. ვიდეო მიშას „ბაში-აჩუკი“ კახეთში

ეჰ, რას იზამ, იქნებ მართლაც სიბერის ბრალია ამდაგვარი რაღაც-რაღაცეები ადამიანში? მაგრამ მე მაინც მთელი სულითა და გულით მინდა იმდენ ხანს იცოცხლოთ, რომ ერთ მშვენიერ დღეს წავიკითხო ისეთი ინტერვიუ სადაც, ბატონ მუხრან მაჭავარიანივით, იტყვით – შევცდიო ! ერთს კი გეტყვი, არ ღირდა ამ მიშას გულისთვის თუნდაც ერთი-ორი ქართველის გულის მოკვლა, თუ არა და მალე იგრძნობ ამას! შენთან ერთად მეც შემასწროს ამ დღეს ღმერთმა.

სამშობლოწაღლეტილი უბრალო ქართველი თარაში

დიტო ჩუბინიძე-გაზეთი ქრონიკა

dito-chubinidze-qronika

გაადიდეთ „მაუსის“ დაწკაპუნებით

„დიდგორის“ რედაქცია: იხ. ამ წერილთან დაკავშირებით ორი ფოტო-სურათი.

 patriarqixonta_11

patriarqixunta_21

პატრიარქი სამხედრო ხუნტის შეკრებაზე

 

ცრუ შემრიგებლის ცრუ შერიგება

ცრუ შემრიგებლის ცრუ შერიგება, ანუ ვის რა ეპატიება 

მიუხედავად ჩვენი პირადი მოსაზრებებისა თქვენი გაზეთის მიმართ, მაინც ვითვალისწინებთ მას, რომ თქვენი გაზეთი ერთ-ერთი მრავალტირაჟანი გაზეთია საქართველოში და მოგმართავთ თქვენ, რამეთუ თქვენეული თავისუფალი პრესის პრინციპების მრავალგზის განმარტებისა, ვიტოვებ იმედს, რომ ეს უბრალო, უპრეტენზიო წერილი იხილავს დღის სინათლეს და ორიოდე ქართველს მაინც დააფიქრებს ჩვენი სამშობლოს ბედ-იღბალზე, იმედი მაქვს, რომ ეს წერილი არ აღმოჩნდება თავისუფალი პრესის პრინციპების მიღმა. 

საქართველოში დატრიალებულმა ბოლოდროინდელმა მოვლენებმა, რომელთა მიმართ გულგრილი ვერ იქნება ვერც ერთი ნორმალური ქართველი, საქართველოს მოქალაქე, თუ მის სულსა და გულში ოდნავ მაინც დარჩენილა მამულიშვილობის, სამართლიანობის გრძნობა, კვლავ გამიჩინეს სურვილი კიდევ ერთხელ გამემეორებინა მრავალჯერ თქმული: ამ ქვეყანას პატრონი არა ჰყავს, საქართველო თანდათან ემსგავსება, ქვის ხანიდან ახლად თავდაღწეულ ქვეყანას. ხალხი თავის თავს ვეღარ უვლის, საქართველოში კაცი აღარ იძებნება რომ ამ უბედურ საზოგადოებას შეუძახოს – „ რას სჩადიხარ, შე უბედურო, სვეგამწარებულო ხალხო, რა ფერხულში ჩაბმულხარ, ვის წისქვილზედ მიუშვი ღარი, რომლიდანაც შენივე სისხლი გადმოდის, რას გაცუნდრუკებენ სატანის მოციქულები, ვეღარ უნდა გაიგო, რომ ესენი ყველანი ერთი ოხრობა და დოზანაა, მიაყარე მიწა და გადაუძახე პირწმინდად ისტორიის სანაგვეზე“-თქო.

დღევანდელი მდგომარეობა მეტად რთულია, ამ დილემიდან ქვეყანა ამათეული არჩევნების გზით ვერ და არ დააღწევს თავს, საქმეს ისე ბლანდავენ თითქოს სხვა გზა, სხვა ხსნა არღარ იყოს ქვეყანაზე. არა და როგორ ჩატარდება არჩევნები ეს დიდი ხანია ცნობილია ქართველი საზოგადოებისთვის, მის სამართლიანად ჩატარებას ვერა და არ უზრუნველყოფს ის ასობით ე.წ. საერთაშორისო დამკვირვებელი, რომლებიც საქართველოში სავოიაჟოდ მოემგზავრებიან, მათი ფუნქცია ფიქციაა და სხვა არაფერი! განა შევარდნაძის დროს არ მობრძანდებოდნენ ეს ვაჟბატონები არჩევნების ზედამხედველებად? განა ესენი არ უწერდნენ ხელს შევარდნაძეს ყალბი და ძალადობრივი არჩევნების და შევარდნაძისეული ბოროტების დასაკანონებლად?

ეს ე. წ. ოპოზიცია ხომ გუშინდელი დამნაშავეების ხროვაა, ამის თქმის უფლებას მაძლევს ის, რომ მათი აბსოლუტური უმრავლესობა ყოფილი საქსახსაბჭოს – საქართველოს „გკჩპ“-ს წევრი და შევარდნაძის პარლამენტის ნადეპუტატარია, ყოფილი მოქკავშირელია?!

დამნაშავეთა ადგილი კი სადაც არის ყველას ჩინებულად მოეხსენება. ხალხმა ამ პერსონებს დროზე უნდა მიუჩინოს ის ადგილი, რომელიც მათ ეკუთვნით!

აქვთ კი უფლება იმ პირებს ილაპარაკონ საქართველოს დამოუკიდებლობაზე, მის თავისუფლებაზე, ვინც ხელი მოაწერა საქართველოს „დსთ“ –ში შეთრევას, ნულოვან ვარიანტს, რუსი ოკუპანტებისთვის „სამშვიდობო“ მანდატის მინიჭებას? იქნებ მინმემ მითხრას ინანიებენო, ესეც სიყალბეა! ქვედაბუნი და ავაზაკი არასოდეს ინანიებს ბოლომდის ვერაგობას! წაიკითხეთ ამავე გაზეთის 52-ე ნომერში დაბეჭდილი ერთ-ერთი მათგანის ინტერვიუ და დარწმუნდებით ყოველივეში. „დიდი პოლიტიკოსი, დემოკრატი და ინტერნაციონალისტი“ – ხაინდრავას ვაჟბატონი ბრძანებს:„ჩემი პოლიტიკური პოზიცია ზვიადის მიმართ უცვლელია”-ო. მავანნი კი ჩაგვჩიჩინებენ ინანიებენო, და ამ ავაზაკებს წარმოგვიდგენენ განწმენდილ გმირებად.

სწორედ რომ უცვლელია მათი „პოლიტიკური პოზიცია“ არა მარტო გამსახურდიას მიმართ, არამედ თვით საქართველოს მიმართ და მიტომ არის ქვეყანა ამ დღეში. სწორედ რომ ამ ჭკუათხელი და სინდისცარიელი ვაჟბატონისა და მისი დოსტების “პოლიტიკურმა პოზიციამ” ამოაგდო და დააქცია ქვეყანა! ამათ კიდე ცა ქუდად არ მიაჩნიათ და დედამიწა ქალამნად. თუმც სხვას ვის რა უნდა მოვკითხო, როცა „აპეკუნად“ და თანამეინახედ ამ გარეწრებს ის ჰყავთ, ვინც არ უნდა ჰყავდეთ. საკითხავია რამდენჯერ იყო მთავრობაში და როგორ დაარეგულირა „კონფლიქტები“ ტორეზ კულუმბეგოვის „აპეკუნმა“ და ჭირისუფალმა?

დიდი ჰუმანისტი, თუ არ ვცდები, ჰაინე ამბობდა – “მოღალატეს მიეტევება მაშინ, როცა ჩამოახრჩობენო”, თუ დღეს უკვე საყოველთაოდ ნათელმოსილია ის ფაქტი, რომელიც 1991-92 წლებში მოხდა ჩვენს ქვეყანაში, მაშინ სად არის სამსჯავრო? შემომედავებით ქრისტიანულ მიმტევებლობასა და კაცთმოყვარეობაში, კი ბატონო, მაგრამ ამათმა ვის რა აპატიეს? აპატიეს მხატვარ ნოდიას რომ ის “შეცდა” და დახატა პრეზიდენტ გამსახურდიას სურათი?

მარჯვენა მოჰკვეთეს და გული ამოართვეს ჯოჯოხეთის ჯალათებმა! სად იყვნენ ეს ნაძირალები მაშინ, როს საქართველო სისხლის ტბორში იდგა? სად იყვნენ მაშინ როდესაც სამეგრელო საქართველოს ვანდეად აქციეს ამ სატანისტმა რევოლუციონრებმა? 7 ნოემბერს დაგვარბიესო – აიკლეს პლანეტა! ავაზაკებო, საქართველოს დედაქალაქში სასაკლაო რომ გქონდათ გამართული მაშინ სად იყო თქვენი კაცთმოყვარეობა?

patriarqixonta_1

აქ იყვნენ!

1992 წლის ზამთარში დახვრეტილი მიტინგების დროს სად ჯანდაბაში გქონდათ „ჰუმანიზმის“ გრძნობა? განა მაშინ ორჯერ მეტი ადამიანი არ გამოვიდა ქუჩაში კანონიერების დასაცავად? განა თქვენ არ ახშობდით მათ სისხლში? არ მისვრიაო – მჯიღზე მუშტებს იბრაგუნებენ, თუ არ გისვრია, რა გააკეთე იმისათვის რომ არ ესროლათ ან მაშინ რა ჰქენი, როცა უკვე ისროლეს? გაზეთები და ტელევიზია დაგვირბიესო, “იბერია სპექტრს” რომ არბევდნენ მაშინ სად ნებივრობდით? სისოცხლე რომ ჯოჯოხეთად უქციეს სულნათელ ირაკლი გოცირიძეს მაშინ ვის მხარეს იყავით? შვილები რომ დაუხოცეს მხცოვან ჟურნალისტსა და მამულიშვილს ამოიღეთ კი ხმა? და კიდევ ვინ იცის რამდენი რამ, რაც თქვენს სისხლიანი სულის ხარჯზეა! მე არ მასვენებს იმ ნამდვილ ქართველების სული და სისხლი, რომელიც ცას შეჰღაღადებს სამართალისთვის! მე ახლაც მესმის შვილმკვდარი დედების მოთქმა-გოდება, როდესაც ისინი შვილებს კი არ დასტიროდნენ, არამედ მათ უბედურ დედა – სამშობლოს, თორემ სატირალი ისინი არ იყვნენ, სატირალი თქვენ ხართ, ცოცხლად დარჩენილი ავაზაკები!

patriarqixunta_2

აქ ისხდნენ!

ხსნა და საშველი არის, ბატონებო, არის!

საქართველოს მოსახლეობამ დაუყოვნებლივ უნდა მოიწვიოს საერთო სახალხო თავყრილობა, ყრილობაზე უნდა შეიკრიბოს მართალი და პატიოსანი წარმომადგენლები საქართველოს ყოველი ქალაქიდან და სოფლიდან, უნდა შეიკრიბოს ის ხალხი — ვისაც არასოდეს აუღია ხელში იარაღი საქართველოს კანონიერი ხელისუფლების წინააღმდეგ; ვინც არასოდეს ყოფილა პუტჩის სულისჩამდგმელი და იდეოლოგი; ვინც არასოდეს ყოფილა 1992 წლიდან შევარდნაძის სახელისუფლებო სტრუქტურებში; ნომენკლატურულ თანამდებობებზე; არ ყოფილა გარეული სახელმწიფო გადატრიალებაში; ვისაც არასოდეს დაუჭერია მხარი დანაშაულებრივი ჯანყისთვის! საქართველოს მოსახლეობამ სწორედ ასეთი ადამიანები უნდა აღჭურვოს ნდობის მანდატით და წარგზავნოს ამ საერთო სახალხო თავყრილობაზე. ამ ყრილობამ უნდა იმსჯელოს საქართველოს გადარჩენაზე. ამ ყრილობამ უნდა გადააყენოს დღევანდელი ანტიადამიანური რეჟიმი, ნაშთი შევარდნაძის ბოროტებისა, თავისი ე. წ. ოპოზიციით, უნდა ჩამოაშოროს ეს ბანდები სახელისუფლო სადავეებს, გაანეიტრალოს ის მუდმივ მოქმედი ნაღმი, რომელიც სრავს მიწის პირისაგან ქვეყანას, ანადგურებსა და აჩანაგებს მის მოსახლეობას. ამ ყრილობამ უნდა აირჩიოს ეროვნული დარბაზი, რომელმაც უნდა შეამზადოს საქართველოში კანონიერების აღდგენის პროცედურა, დევნილ, ნამდვილი დემოკრატიული არჩვენებით არჩეულ უზენაეს საბჭოს უნდა მიეცეს თავისი უფლებამოსილების აღდგენის საშუალება გარკვეული ვადით, მან უნდა გადაწყვიტოს სახალხო რეფერენდუმზე დაყრდნობით თუ როგორი ტიპის სახელმწიფოებრივი წყობა უნდა დამკვიდრდეს საქართველოში – საპრეზიდენტო, საპარლამენტო თუ კონსტიტუციურ- მონარქიული. საქართველოს მოსახლეობამ უნდა შეძლოს საკუთარი თავის გადარჩენა, საკუთარი ღირსების აღდგენა, ერთხელ და სამუდამოდ სტაბილური სახელმწიფოს შექმნა და ჩამოყალიბება. საქართველოს მოსახლეობამ უარი უნდა უთხრას სულისამომხდელ, სულში ჩამფურთხებელ ამათ არჩევნობანას, მშვიდობიანი სამოქალაქო დაუმორჩილებლობის გზით აიძულოს დღევანდელი ანტიადამიანური რეჟიმი და მისი ე.წ. ოპოზიცია ანგარიში გაუწიოს საქართველოს მოსახლეობის ნებას და დასტოვონ პოლიტიკური სარბიელი! ვიცი, ეს ყოველივე ძნელი იქნება, მაგრამ მარადჟამს გაუსაძლისში სულის ამოხდის თავიდან აცილებისთვის ერთი გადამწყვეტი ნაბიჯის გადადგმა აუცილებელია, რომელიც თავის ადგილს მიუჩენს ყველასა და ყველაფერს!

ეს საქმე უნდა გააკეთოს პატიოსანმა, მაღალკვალიფიციურმა ხალხმა იურისტი იქნება ის ეკონომისტი თუ ვინც არ უნდა იყოს და არა ამ უწიგნურთა ხროვამ. იმედი მაქვს ასეთი ხალხი ჯერ კიდევ ჰყავს საქართველოს, რომლებიც ჩრდილში დგანან და მათ გამოჩენას ელის ქვეყანა. თითქოს ჩვენი დროის საქართველოსთვის ამბობდა არისტოტელე: ტირანია (იგივე დიქტატურა) არის მონარქია, რომელიც ემსახურება მხოლოდ ხელმძღვანელის სარგებლობას. შეუძლებელია კარგი კანონები ჰქონდეს იმ სახელმწიფოს, რომელსაც ხელმძღვანელობენ არა კარგი, არამედ ცუდი ადამიანები. ჩვენ ვამტკიცებთ, რომ სახელმწიფო ხელმძღვანელი უნდა იყოს ზნეობრივი და გონიერი ადამიანი, ყველაზე პატიოსანი და კარგი ადამიანი.

აბა, რომელი მხარე აკმაკოფილებს დიდი მოაზროვნის მიერ გამოთქმულ შეხედულებებს? არც ერთი! ქართველ ერს, საქართველოს მოსახლეობას არვისგან ესწავლება ცხოვრების წესი, ის გადამთიელთა რეცეპტებს არ საჭიროებს! იცის თავისი თავის ყადრიც და ფასიც, მან არ უნდა დაუშვას ქვეყანაში უცხო, შავბნელი ძალების ხელების ფათური ამ მანქურთი, ერთუჯრედიანი არსებების სახით! ქვეყნის ბედი, მისი მართვა – გამგეობა არ უნდა იყოს დამოკიდებული ამჟამინდელ, იდიოტ “ცნობად სახეებზე” და ე.წ. პოლიტიკოსებზე! თორემ, სხვაგვარად არ ეგების, კარს სიკვდილია მომდგარი, ამათ ბინძურ ბაქხანალიებს არ უნდა შეეწიროს მრავალსაუკუნოვანი ქვეყანა და მისი სახელმწიფოებრიობა. თორემ, რაც დღეს საქართველოში ხდება, ყოველივე ეს სახელს უტეხს ისედაც ღირსებაშელახულ სახელმწიფოსა და მის ხალხს მსოფლიო საზოგადოებრიობის წინაშე. ქვეყანა საბედისწერო ჩიხში მოაქცია საქართველოს ე. წ. პოლიტიკურმა პარტიებმა, სულ ერთია ის მმართველი იქნება თუ მოწინააღმდეგე. დღევანდელ პოლიტიკურ ელიტას უნდა ჩამოერთვას უფლება – იყოს არჩეული არჩევით ორგანოებში და უფლება სახელმწიფო მოხელეობისა. ამას ისინი იმსახურებენ იმ მრავალწლიანი გამოცდილებიდან, რომელიც სახეზე გვაქვს! აგერ უკვე თხუთმეტი წელია საქართველოს მოსახლეობა ხედავს როგორი მოხელეებიც და პოლიტიკოსები არიან შევარდნაძის ინკუბატორში დაჩეკილი „პოლიტიკოსები“. ხალხმა უნდა დაისვენოს, უნდა ამოისუნთქოს ამ ყოფილი კომუნისტების, კომსომოლების, კგბჩნიკების თუ მოქკავშირლებისაგან! ჩვენი დღევანდელი ავადმყოფობის მიზეზი ამათი ამგვარი პარპაშია. არვის არაფერი ეკითხება, არც დანაშაული, არც ღალატი, თუმცა რა, ამათი „სულიერი მწყემსიც“ ხომ წარსულის დავიწყებას ჰქადაგებს, იმ წარსულის დავიწყებას, რომლის დავიწყებაც არამც და არამც არ შეიძლება! დავიწყება გუშინდელი უბედურებისა და ბოროტებისა ღალატია სამშობლოსი, ხალხის და თვით უფლისა, ხოლო ამ ღალატში ესენი ხომ ტოლს არვის დაუდებენ!

არ უნდა გავახსენოთ ძველი ცოდვები ერთურთსო – ასე გვმოძღვრავს ის მაშინ, როდესაც მათი ცოდვების და არაადამიანობის გამო ისჯება მილიონობით უბრალო, უდანაშაულო ადამიანი, რომლებიც ამ ავაზაკთა ხროვას და მათ მეურვეებს ფეხებზეც აღარ ჰკიდიათ! დანაშაულის დავიწყება, წაყრუება და მასზედ თვალის დახუჭვა საქართველოს მერმისის განადგურებაა, რაც საერთოდ არ ანაღვლებთ ამათს, პირიქით ფრონტის სხვადასხვა ხაზიდან ამ ერთი მიზნისთვის იღწვიან, დღევანდელმა თაობამ არამც და არამც არ უნდა დაუშვას ეს! იქნებ ღირდეს ამაზე დაფიქრება პატიოსანო ადამიანო, რომელიც საქართველოში ცხოვრობ და ის შენს ქვეყნად შენს სამშობლოდ მიგაჩნია? დანარჩენი თვით განსაჯეთ, დრო აღარ ითმენს, დაყოვნება ღალატია!

სამშობლოს ბედზე მოფიქრალი ერთი უბრალო, რიგითი ქართველი.

ალ. სანდუხაძე

ბოლოკუდა: ამ წერილის დაწერიდან გავიდა მხოლოდ რამდენიმე დღე, საქართველოში დიქტატურა და ტერორი უმაღლეს ფაზაში შედის, თავს ესხმიან, არბევენ, მანქანებს უფეთქებენ, იჭერენ, ეს ხდება იმ დროს როცა ქვეყანა სავსეა ე. წ. დამკვირვებლებითა და საერთაშორისო მისიებით, კაციშვილი არაფერს ამბობს, არაფერზე არ რეაგირებენ, მხოლოდ “მონიტორინგებით” შემოიფარგლებიან, სხვას არც რას უნდა მოველოდეთ, ესენი ხომ ამათი მიწვეულნი არიან, მასპინძელს ხომ ვერ აწყენინებენ. ასე რომ ამაოა ის იმედი, რომელიც ამ ქარაქუცა ოპოზიციონრებს შერჩა, არჩევნებს სამართლიანად ჩავატარებინებთო, ვერ ჩაატარებინებთ ბატონებო ვერა, თქვენ ამისათვის გაჩენილები არა ხართ, არ შეგწევთ ძალა და უნარი, განა თქვენ რომ ედიკას ეშელონებში გრიალებდით მაშინ ატარებდით კი სამართლიან არჩევნებს? განა მაშინაც მკვდარი სულებით არ აყალბებდით არჩევნებს?